[[[( تبسمتي )]]]
تبسمتي بعد ما كانت الدمعه تلازم خد
تحررتي من قيود الحزن وأطلقتي الضحكه
تعلمتي تقوليلي أحبك فسره وش قد
أبي أسمع رددها بعالي واترك الربكه
أبي اللي ما سمع يسمع أطلقها بليا حد
أبي تهلك معاناتي وابي نتقاسم التركه
أبي ذاك القمر اللي سألته ما عطاني رد
أبيه يقول دام انه سمع يا ناس ذي ملكه
تبيني أوصف أفراحي مثل موج بلحظه هد
قصور من رمال الحزن والدمعات مشتركه
أنا يا صاحبي مغرم بكلك والهوى لي جد
ورثته وصار في دمي ولا منه أبد فكه
أنا عاشق أنا هاوي دخيلك مد كفك مد
أبي تاخذ على أيدي مدام الساني به لكه |