__ عِشق شـــــــــــاعر __
قالت :متى نرتوي من حبك الطاهر
متى سحابك علينا ينحدر ماها
من لوعة العشق حالي يكسر الخاطر
وصورتي بين شِعر ونثر تلقاها
قريت ديوان خالد واعشق السامر
وروعة اباتك شِعرك مقدر أنساها
وقلت :يابنت هذي حالة الشاعر
لوهي غلاتك بحور النفس مارواها
أموت واحيا واموت بسهمك الغادر
وان جفت اشفاه سيفك دمي أسقاها
قالت :تعاتب! كفاني حظي العاثر
والفكر يمك سرى والعشق وداها
أتخيلك في حنايا شوقي الماطر
أشقيتني ليه؟عيني دمعي أعماها
وقلت :ياكيف اباري شوقك الكاسر
تستاهل الحب مِثلك لازم أهواها
أسف حبيبي ويسلم حبك النادر
لو حبي أكفان لفت روحك أحياها
عسى الزمن لايكدر عمرك الزاهر
غلاك هدّ العروق ونثّر ادماها
قفّت ودارت تناظر طرفي الساهر
وغطت نحرها وبانت بسمة اشفاها
ياهي قصيده قديمه من زمن غابر
لقيت هتان فكري جدد اصباها