اهلا بوجه السّعد في في وسط مجلاسي
نوخ ركاب الغلا تقطف مراعيها
اهلا بغالي رحل يوم الدهر قاسي
في غيبتك جافت القمرا لياليها
دايم بك القلب ولهان وهوجاسي
يبي يحقق سعاده كان يرجيها
من بعد شوفتك عيني ماترى الناسي
وبالشعر لجلك كتبت احلى اغانيها
ماهقوتي بك تعذبني ولا ناسي
ان المودة تبي من هو يراعيها
عطيتك الحب نابع صافي احساسي
والروح لجلك تصارع شوق امانيها
اذا سهى الفكر عنك دار بي راسي
انا اشهد انك توّم روحي وراعيها
في شوفتك كف دمعي ونتهى باسي
والنفس ماعد تبي غيرك مخاويها