تـعاتبني وتـرضيني وانامن دهشتي صامت
وبـخفي طـبعي الثائر بموج اشواقي الهادي
تذكرت الزمان الجاي ولانسى وقتنا الفايت
وبـنشد رحـمتك فيني وهذا طبع الاجوادي
رسمت الدرب بعيونك وبسقي وردك النابت
وعـطرك غار من طيبه ورود الفل والكادي
سـفينة حـبنا الوافي ’ في بحر الغلا عامت
بـها حلم السنين اللي نبت في ضفة الوادي
اشوفك حلم واعيشك حقيقه من ولع هامت
بـهاروحي ووجداني يسامر طيرك الشادي
توسل لك منام العين’يقول كل البشر نامت
ابـي لحظه في احظانك فديتك ياهوى ابلادي
حبيبي عفو عن ذكرك اذا وقت الصلاة قامت
اكيد اكيد مانساك كيف انسى ثرى اجدادي