معروف بصلك بين قاصي وداني
زان البخت يامنوتي بين اياديك
عذلت قلبي فيك ياغلى الاماني
ياحسرتي لاغبت قلبي يناديك
يا كم من الخلان حب وجفاني
لكن نفسي ماهوت غير طاريك
ضامي سنين العمر والله عطاني
نهر المحبه وارده ما يجافيك
محروم من قبلك حداني زماني
واليوم خطواتي تباري خطاويك
حملت بين ايدي وردة زماني
يرسم فرحها دمع شخصٍ يحاكيك
ساهر مع نفسي وطيفك لفاني
دليل حبك يتضح في معانيك
نورت نور العين والكون ثاني
والله لعادي كل واحد يعاديك
فاهم شعورك حظي اليوم جاني
برحل معك واصبح عشير(ن) يخاويك