يمّــه تعبت اركض عبث في عالمٍ كله جحود
اطرد ورا حلمٍ بعيد اشقيت نفسي في رجاه
يمّــه احسب ان البشر مثلك حنان بلا حدود
وان الزمن صدرٍ حنون يضمني لاقلت آه
يمّــه انا في داخلي يسكن طفل هادي ودود
انتي حياته كلها ودنيته وارضه وسماه
يمّــه تعبت ارسم امل يمه تعبت ارسم ورود
يمّــه ازعجني الطفل في داخلي اسمع بكاه
يمّــه تعبت بدنيتي ..دنيا ملامحها برود
دنيا تسير بلا هدف متشتته بكل اتجاه
يمّــه همومي كايده تعزف على لحن البحور
يمّــه انا صوره لحزن طال الزمان وما نساه
يمّــه انا عنوان قصه مالها اية وجود
يمّــه انا جرح المكابر اللي يموت وما شكاه
يمّــه انا هذا انا تكفين دمعك لايزود
يمّــه دموعك غاليه والكون مايسوى حصاه