بنت ماني من طيورك جنبــينــي
..................................... الهوى بالقلب كد طفيت ناره
بنت عمري داخل ٍ بالأربـعـيـنـــي
.................................... ناسي ٍ ما فات من حلو ومراره
بنت ما غازلك لو تغازليـــــــنـي
................................... وسدنا يا بنت ما نكشف أستاره
بنت أنا مابيك لو إنك تبـــــيــني
................................... خافي الله وأتركي عنك العياره
أتخلص منك بالعذر السمينــــــي
................................... والله إنه صدق ما قلته إغماره
دوري من هالشباب المجبليـني
................................... واجد اللي يعجبك منهم أخياره
أنصحك بأخلاص كانك تفهميـني
................................... وإن تعاندتي شكينا للـــــوزاره
الهواتف له رجال ٍ أمخصصيني
.................................. أمرهم يختص في قطع الحراره
ليت يوقف خطكم وقم أشهريني
.................................. وبيتكم يوضع على بابه خفاره
يمكن أنك عقب هذا بتـــندميني
................................. وتكتفين بما كتبتي من عبــــاره
في تلفونك تراك بتزعجينــــي
................................. ما أستقر بجلستٍ يمضي نهاره
كيف بالله بالكلام تفاوضينــي
................................ ولا عرفنا مسكنـــك بآيات حاره
بنت قلبك بالهوى ماهو فطيني
............................... وأشهد إن العشق مع مثلك خساره
كيف في طرق المحبه تجبريني
.............................. ما ذكرتي وش فعل بالحب ساره
يوم بليت في جواز الغاصبيني
............................. طبقت بالبـــــــير ما هابت دماره
وختمها صلوا على الهادي الأميني
............................. عد ما تفتح أبــــــــــوابٍ للزياره
وعد ما خط القلم في حرف سيني
............................. في سجلات ٍ تصدر للتجـــــــاره
مما راق لي