تعال اسقيني من حبك ترى جسمي بدا يذبل
تعال وشوف كثر الهم بدا يظهر بنظراتي
:
تعال وقول أنا أحبك ابي عروقي بها تبتل
ابيك تكون لي الدرب ابيك اقرب مسافاتي
:
تعال اشكي لك همومي خلاص ارجوك لاترحل
أنا محتاج لوجودك يجمع باقي شتاتي
:
ابيك النور ابيك الليل ابيك الشمس وابيك الظل
ابيك انت لي الدنيا تكون آخر محطاتي
:
وإذا ابطيت ماجيتك ابي تنظر وابي تسأل
ومهما غبت عن عينك ابيك تخاف وتحاتي:
وإذا ماتت كل أمانينا وخاب الوقت وتبدل
ابي ايدك تلازمني وتمسح كل دمعاتي
:
وإذا تحت الثرى جسمي بيبقا حبنا ويظل
معك دنيا أنا فيها ومن دونك نهاياتي:
ابي تبكي على فقدي وابي حزنك علي يطول
ابيك تكون تذكرني وتذكر كل غياتي