قصيــــــــــــــــدة المكيــــــــاج ...!!
المكياج يا صانع المكياج الله يجازيك خليتني مخدوع في شكل خلي الله يحرق مصنعك مع مبانيك والمعرض الموجود في بيكاديلي ادعي عسى تعمى وتنشل رجليك هذا دعائي دوم لا جيت أصلي خليتني اركض ورا البنت هاذيك واشوفها أجمل غرام ٍ حصل لي قلبي عشقها يا(جيفنشي) توماتيك وان شافها قلبي يرحب يهلي هي رحبت بي وقالت الله يحييك وقالت هلا باللي عشق زين شكلي وقالت أنا أجمل بنت في اللي حواليك شف حسني الأخاذ وروجي العسلّي طالعتها ثم قلت هالقلب يبغيك ومن شاف حسنك خلى غيرك يولي ابغي اشوفك دون مكياج يكسيك وابغي اشوفك بالجمال المحلي قالت تبيني افرك الوجه تفريك واشيل هالبودر وروجي وكحلي قلت أي نعم قومي عسى الروح تفديك ابغي جمالك هالطبيعي يهلّي قالت دقايق راجعه لك واراويك ذاك الجمال اللي لعينك يسلّي ويوم رجعت لي شربكتني الشرابيك وحسيت الأرض تدور وأنا بمحلي الخد كنه يا(جيفنشي( سيراميك والوجه شارع مثل شارع حولي الوجه كنه بيت كله شبابيك من هالحفر في وجهها اللي يعلّي كله سبب مكياجك الله يجازيك خليتني مخدوع في شكل خلي ونصيحتي لكل شاب من غير تشكيك لا لا اتسرع ثم تنغش مثلي اللي بلا مكياج خلها حواليك واللي تحط مكياج …………….خلها تولي |
رد: قصيــــــــــــــــدة المكيــــــــاج ...!!
تركي فهيد.. شاكره لك كل الشكر لطرحك الفكاهي تسلم انااااااملك على النقل اخوي لك ودي واحترامي.. |
رد: قصيــــــــــــــــدة المكيــــــــاج ...!!
ههههههههه تركي فهيد والله يافيه خفايا ورا هالمكياج لكن ودي اعرف وين سقطت على القصيده دامت ابتسامتك وحضورك الرائع لك تحيتي وتقديري |
رد: قصيــــــــــــــــدة المكيــــــــاج ...!!
الخد كنه يا(جيفنشي( سيراميك والوجه شارع مثل شارع حولي هههههههههههههههه حلوة اخوي تركي بس المره الجايه نبي قصيده بالشياب اللي يتشببون ويخدعون البنات عشان ما يزعلون بنات حواء تقبل مروري ودمت بود |
رد: قصيــــــــــــــــدة المكيــــــــاج ...!!
سحر الغرام يسلمو على المرور الطيب اختي يعطيك العافية .... |
رد: قصيــــــــــــــــدة المكيــــــــاج ...!!
هلا بك بدر الشمال الاروع تواجدك ومرورك الله يخلي الايميل يعطيك العافية |
رد: قصيــــــــــــــــدة المكيــــــــاج ...!!
اخوي فهد هلايك ولك الشكر على مرورك وردودك الحلووة .. تبشر اخوي .... كلو الا الغش التجـــــــــــــــــاري ....؟؟ |
الساعة الآن 10:57 AM. |