|
قصيده ابكت كل من قرأها ..
قصيده ابكت كل من قرأها وانا اولهم قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني اختكم:فيني دلع نادر |
رد: قصيده ابكت كل من قرأها ..
الله يعطيك العافيه ع الابيات المؤؤثرهـ يايمه ما تحملهم يقولوا فات ما قد مات تعالي غيري هالقول واطيعك باقي سنيني تقبلي مروري |
رد: قصيده ابكت كل من قرأها ..
مشكووور اخوي عديم العديمي على ردك الرائع تقبل مني جزيل الشكر والله يعطيك الف عاافيه..
|
رد: قصيده ابكت كل من قرأها ..
فيني دلع نادر وضميني وداويني مثل ما كانت الهقوات ما ابي احدن يواسيني ابيك انتي تواسيني مشكوره اختي على هالطرح الرائع والحزين تقبلي مروري تقبلي مني خالص الود والتقدير |
رد: قصيده ابكت كل من قرأها ..
الف الف شكر اخوي خيال القضاه على ردك الرائع تقبل مني جزيل الشكر والاحترام
|
رد: قصيده ابكت كل من قرأها ..
هلا بك اخت فيني دلع نادر ويعطيك الف عافيه ... وسبحان الله راح يبقى يحس انه هووووو السبب في وفاة والدته ,,الى الممات ... بصراحة مؤثره نسأل الله الا يبتلينا ,, ويرحم موتانا وموتا جميع المسلمين .. |
رد: قصيده ابكت كل من قرأها ..
مشكوره وماقصرتي فيني دلع نادر
|
| الساعة الآن 02:53 PM. |
