اخواني الكرام كتبت هذا الموضوع لان هناك من لايعرف الفرق بين طيور الصيد

مثل صقور الوحش والجير وغيرها

علشان اسهلها عليكم راح اجيبها بصيغة سؤال وجواب

س1 : ماهو طول اجسام الصقور بانواعها وهي ( الحر الوحش + الحر الجير + الشاهين الوحش + الشاهين الجير + الوكري الوحش + الوكري الجير + )

ج1 : اولا يختلف احجام الصقور حسب سنها ونوعها

اولا : الحر الوحش / اكبر حر وحش يبلغ مقاسه عرض (18.5 ) انش وطول ( 18.5 ) انش
ثانيا : الحر الجير / اكبر حر جير يبلغ مقاسه عرض ( 19.5) انش وطول (19.5) انش
ثالثا : الشاهين الوحش / اكبر شاهين يبلغ مقاسه عرض (16.5) انش وطول ( 16.5 )انش
رابعا : الشاهين الجير / اكبر شاهين جير يبلغ مقاسه عرض ( 18.5) انش طول (19 )انش
خامسا: الوكري الوحش / اكبر وكري وحش يبلغ مقاسه عرض (14.5) انش وطول ( 15 ) انش
سادسا : الوكري الجير / اكبر وكري جير يبلغ مقاسه عرض ( 15.5 ) انش وطول ( 16 ) انش


س2 ك كم يبلغ طول كل ريشه موجوده بالصقر ( الجناح والذنيبا ) ؟

ج2 : يبلغ عدد ريش جناح الصقر ( 22 ) وعدد ريش الذنيبا ( 12 ) وتختلف مقاسات الريش حسب احجام الصقور ونوعها وسوف ابين لكم نوع واحد من الصقور وهو (( الحر الوحش ))
اولا: يوزع ريش جناح الصقر حسب التالي :
الريش الكبير وعدده (7) ريشات وتسمى (( السناد او ريش السبق ))
الريش الي بعدها (7) وتسمى (( الخناجر او الغواطي ))
اما الريش الباقي وعدده (8) وتسمى (( الضواغط او الصعود ))

ثانيا : الريش الكبير وتسميات كل ريشه من السبع
الريشه الاولى تسمى (( الموس ))
الريشه الثانيه تسمى ((الطويله ))
الريشه الثالثه تسمى ((الثالثه ))
الريشه الرابعه وتسمى (( الرابعه ))
الريشه الخامسه وتسمى (( الخامسه ))
الريشه السادسه وتسمى (( السادسه ))
الريشه السابعه وتسمى (( السابعه ))

ثالثا : ريش الذنيبا ويبلغ عددها (12 ) وهي متقاربه بالطول والحجم
يوجد في الذنيبا ثلاث ريشات لها تسميات معروفه اما باقي الريش فياخذ نفس اسم الريش السابق
الريشه الوسطى تسمى (( العمود او الوسطى ))
الريش الي تقع على طرف الذنيبا تسمى (( سناد او تكايه ))
الريش الباقي والواقع بوسط الذنيبا يسمى (( سناد العمود ))


س3 : كم يبلغ عمر الصقور المعمره ؟

ج2 :يبلغ عمر الصقور المعمره حوالي عشرين عام وكل مازاد عمرها قل فعلها
ونشاطها وقوتها بسبب ضعف جهازها المناعي


انتهى
واتمنى اني قدرت افيدكم ولو بجزء بسيط من عالم الصقور واسمحوالي على القصور

...................................... تقبلوا تحياتي .................................

هلا بك اخوي جساس ,, يعطيك العافية على الموضوع الحلو
والمفيد
يعطيك العافية

أخواني تركي العنزي ، ، ، والمارد


اشكر مروركم الكريم

اخوي ابن الرمثان شاكر مرورك الكريم

على الموضوع

جساس

أنت خير من يتحدث عن الطيور ويصفها لنا

لأنك وبلا مجاملة (حــــــــــــــــــر)

تقبل فائق تقديري