(شبكة ومنتديات الشميلات الرسمية)

(شبكة ومنتديات الشميلات الرسمية) (http://alshemailat.com/vb/index.php)
-   واحة المحاورات الشعرية (http://alshemailat.com/vb/forumdisplay.php?f=9)
-   -   محاوره شعريه مميزه (http://alshemailat.com/vb/showthread.php?t=14780)

الشميلاني 14-11-2021 08:16 PM

محاوره شعريه مميزه
 
‏21-06-2019, 11:30 p
يااهل العقول الراجحة ويش الاسباب
‏انتم يجيكم شي نوبٍ يجيني‏
‏انزل من الموتر ولااسكّر الباب
‏وادوّر الحاجة وهي في يديني
نايف اباالعون
…………..
ابشرّك يا نايف بكثر الاصحاب
‏ماهيب كلمة راس بينك وبيني‏
‏نظارتي من يوم ما عارضي شاب
‏احيان ادوّرها وهي فوق عيني
سداح
…..
لاتشكي لنا الحال ياعز الاصحاب
وشلون لوتدري باللي يجيني
وش تقول بالواقف على الباب
مدري اناطالع اومع الداخليني
انور الرويلي
………..
انا اشهد يا نايف ان منت كذاب
وأنك تقول الصدق لسامعيني
ياليتني يانايف باقين شاب
والعمر من العشرين ولا دويني
ابوفيصل
………
الوضع مزري وكل شي له اسباب
متكركبه دنياك والله يعيني
كم راح بالدنيا عزيزين واصحاب
وخلو لنا الاهات هن والونيني
مدري اسد الباب ولا افتح الباب
وضيعت قغل الباب وهو في يديني
محمود دلي ابو هايل14 _ 11 _ 2021
……..
ياصاحبي كان الوفا يفتح. الباب
خل. الوفا. يدخل. وربك .يعيني
كانه على الحسرات يشد الاطناب
خله ...مسكر ..والمواقف.. تزيني
رحيل الجديع ابو نايف14 _ 11 _ 2021
……….


الساعة الآن 01:10 PM.


Powered by vBulletin
Copyright ©2000 - 2022, Jelsoft Enterprises Ltd

جميع الحقوق محفوظة لشبكة ومنتديـــات الشميـــلات الرسمية
vEhdaa 1.1 by rKo ©2009