خلف المحدى_عبدالله عبار_مفرح مليحان
قال ابن محدى صوت والصوت دوى اقول واعبر باللي فيه حسيت اسمع كلامي يالضعيف المغوى ركز معي ماهي سوالف هتاهيت شف ابن عمك طايحٍ ويتلوى الحال قشرا لا اثباتٍ ولا بيت وشف عنزه البعض منهم تكوى نازح بدون ويجرعون الحلاتيت والسالفه ماهي بلوى ولوى تبي شيوخٍ بالمواقف زناتيت لاشك بعض الشيوخ بالوصف بوى ماغير هيكل زول وشماغ وبشيت ومن يزعله قولي وعنده حموى يفعل فعل ينشاف والفعل تثبيت وكل البشر من عقب ادم وحوى وانصحك لاتغتر في سابق الصيت ضعفك تبين لو تحاول تقوى والناس تدري فيك مهما تقويت ماعاد للماضي مع الناس ضوى المجد الاول مات مع موتت الميت شيختك مظهر والبلا فيك جوى مابك فرج للناس ان رحت وان جيت من جاك حاديه العطش مايتروى وعلى العلوم الغانمه ماتربيت ربعك تعيش بضيم وانت تهوى ومن جاك يطلب فزعتك عنه صديت لو قلت جدي شيخ سوى وسوى الاانت ياشيخ الفلس ويش سويت الشاعر / خلف المحدى الغبين العنزي 3 / 1 / 1442 قال الشاعر عبدالله ابن دهيمش ابن عبارالعنزي هذه الابيات مجاراه للشاعر خلف المحدى الغبين العنزي خلف شرب عذب القراح وتروى قريت منظومه وللقاف جاريت ياخلف ماضني يثور المثوى يخيب ضنك فيه مهما تهقويت الحيص كانه باد حيله وخوى لاتثوره من مبركه لو توازيت واللي ذكرته بين طابخ وشوى مراجله صارت على مفطح العيت تلقاه عند الغانمين يتحوى ولاهمه الايشتت الشمل تشتيت والمسعد اللي باالبراري تهوى تفرح وصدرك ينشرح كان سجيت باالخايع اللي به روابي تلوى اللي يرودون الصحاري مكاشيت قفرنٍ خلا في جاله الذيب عوى باالديره اللي في حماها تمشيت قال الشاعر / مفرح مليحان الجعفري العنزي هذه الابيات مجاراه للشاعر / خلف المحدى الغبين العنزي لو البشر من عقب ادم وحوى والنار منها بليس هو والعفاريت واللي تبون اليوم ماهو مسوى ياللي تنادي الميت مايسمع الميت يفوت عن درب العسيرات جوى مابه عمودٍ ياخلف يبني البيت ممرح خلا والجو شاتي وعوى مايدفي البردان بالحكي والصيت توالفت ولفٍ على جلد بوى راحو مهف مقيط ورشاه وخشيت دابٍ بسم الحقد قام يتلوى ولاينفع المحتار لولا وياليت هذا زمان فيه غاوي وغوى وتجرع الصابر مرار الحلاتيت صار القوي بأم الضعيف يتقوى وتفجر المشحون سلك الدناميت |
الساعة الآن 04:08 AM. |