|
ياكثرك بصدري يالبدر
http://www.poet.ansani2.com/images/374411.jpg السلام عليكم ورحمة الله وبركاآآته أخواني و أخواتي أعضاء هذا الصرح الجميل .. بما أني من عشاق قصائد هذا العملاق ومهندس الكلمة أحببت أن أخصص صفحة له من ضمن مواضيعي وبين الفينه والأخرى أضيف له قصيده وأتمنى منكم ايضاً أن ارى ذائقتكم بالبدر وبقصائده ونقل مايعجبكم بمتصفح البدر .. لا أملك ولا اود التعبير والأطاله في اسهام هذا الموضوع فــ أكتفي أن يكون لقصائد البدر فلا يوجد أبلغ من ذالك تعبير .. :rolleyes: بدر بن عبدالمحسن ياكثرك بصدري وياكثر ما توجعني بإحساآآآسك و بــ آلامك وبـ أفراحك .. ما أقول غير ليت الشوارع تجمعني بالبدر صدفه!! ... وبدايةً من أجمل قصائده واكثرها وقعاً في قلبي هذه القصيدة يطيح جفن الليـل واهـز كتفـه يفز نجم ، وباقي الليـل مطفـي واحاكي الجدران عن مثل غرفـه ماتشبه الجدارن ويطول وصفـي وتملني الجدارن واظهر لشرفـه تحت السماء واسكر الباب خلفـي ليت الشوارع تجمع اثنين صدفـه لا صار شباك المواعيد مجفـي ريحٍ تهب وتسكن العظـم رجفـه وتموت ريح وتسكن اوراق نزفي على الروابي تهطل دموع وطفه ويصب لمع بروقها وسط طرفي ياطاري الغدران ، والعمر رشفه مع قلّها ، ياليتها ييـوم تصفـي الحب واجد مير الأقـدار صلفـه والارض واجد لكن العزم منفـي والي اعرفه راح مانيب اعرفـه ولااظن يذكرني اليا اقلبت مقفـي ماهو حبيبي مورد القلـب حتفـه ولاهو حبيبي يفرح بوقت ضعفي مُّر ثمر هالليل ، وامـر قطفـه يالحمظل الي صرت اذوقه بكفي هذا وتّو الليـل مـاراح نصفـه ياليل بعض اللي مضى منك يكفي |
رد: ياكثرك بصدري يالبدر
بنت الحموله المبدعه والمتألقه بسماء شبكة ومنتديات الشميلات الرسمية لقد اتحفتينا بهذا الطرح كيف لا وهو لشاعر كبير صاحب كلمه جميله واسمحي لي بأنني سوف انقل الموضوع الى ديوان الشعراء ليضع كلآ منا ما يجده لهذا الأمير المحبوب لكِ تحيتي وتقديري |
رد: ياكثرك بصدري يالبدر
قصيدة لاتعلمني ليه أحس إني وأنا اشوفك حزين وقلبي الليله بهمي ممتلي كانها الفرقى طلبتك حاجتين لا تعلمني ولا تكذب عليّ خلني ما بين شكي واليقين السكوت رضاي عنك وزعلي باكر اللي خافيٍ لازم يبين والوعد بلقى مكانك به خلي وانتظر لي ليلة او ليلتين لين ما يقفي السحاب وينجلي ولا طويت الياس بذرف دمعتين للهوى الغالي وبا وادع هلي صاحبي بموت من كثر الحنين خلني بختار لحظة مقتلي ____ بدر بن عبد المحسن _____ بنت الحموله سلمتي على اختيارك |
رد: ياكثرك بصدري يالبدر
قصيدة زمان الصمت وتِرحَل .. صَرخَتي تِذبَل في وادي .. لا صدى يوصل ولا باقي أنين زمان الصمت .. يا عُمر الحُزن والشكوى يا خطوة ما غدت تقوى على الخطوة ... على هم السنين حبيبي .. كتبت اسمك على صوتي كتبته .. في جدار الوقت على لون السما الهادي على الوادي .. على موتي ... وميلادي حبيبي .. لو أيادي الصمت خذتني ... لو ملتني ليل أنا عمري .. انتظاري لك لا تحرمني .. حياتي لك الشاعر بدر بن عبدالمحسن |
رد: ياكثرك بصدري يالبدر
قصيدة الرماد الشمس طاحت .. وبردت.. ورمد الشفق .. في حجر الارض من يشتهي يدوس باقدامه على هالرماد كله .. يا عابرٍ .. على المدى .. من السراب .. الى الندى .. قلبي سقط فوق التراب شله.. او لا تدوس القلب خله .. كل يوم له شمس وانا مالي سوى قلبي انا .. من بكى لين الثرى بله بالدمع .. ويوم اكتفى .. صد وعصر ظله .. ومسح بردنه .. وجنته .. ثم ابتسم لين حسدوه الناس يازارعٍ شوك الهراس .. فوق الرمل كله .. لاقدام من يكره الشوك ياحظ من ياطى بقدم .. انا مالي سوى قلبي الشمس طاحت ونثر الظلام ظله .. على الجروح .. ياكاتم الزين الفضوح عن عيني لا تظهر انيابك .. وتقطع احبابك شمات انا من عطى ضي الشموس خله .. لين حسدوه الناس ولا تنتظر غير السموس .. لله .. انا مالي سوى قلبي .. الشاعر بدر بن عبدالمحسن |
رد: ياكثرك بصدري يالبدر
يعطيك العافيه على الطررح الراائع برووعه حضوورك
ننتظر جديدك بشوووق دمتي كما تحبين " |
رد: ياكثرك بصدري يالبدر
بنت الحموله.. شاكره لكِ كل الشكر لروعة طرحك قصيده قمه بالرووعه من شاااعر رااائع يعطيك ربي الف عافيه ومشكور اخ مسفر لكم ودي واحترامي.. |
رد: ياكثرك بصدري يالبدر
اقتباس:
ازداد موضوعي جمالاً ببهاء حضورك أستاذي ونقلك لهذا القسم اجمل واعتذر عن سوء الاختيار |
رد: ياكثرك بصدري يالبدر
أخي الفاضل مسفر
ربما تجد مني المبالغة لكن نقلك للقصائد الأكثر وقعاً بقلبي اقتباس:
البدر... ما اعظمك ببناء الحروف .. وما اقوى احساسك حين يُرهقني اقتباس:
استثقل حتى انفاسي عندما تتوقف عيناي على هذه الكلمات ... شكري لك يا مسفر يتجاوز حدود سماء البدر بإبداع هندسة الحروف فكُن بالجوار دائماً ذائقتك بالبدر رائــــــــــــــــــعة باقات من الجوري :) |
رد: ياكثرك بصدري يالبدر
غاليتي شموخ
وانا انتظر بصماتك بمواضيعي دائماً تزداد شموخاً ورونقاً يُشبهك دمت بحفظ الرحمن جوري يليق بك |
رد: ياكثرك بصدري يالبدر
سحر الغرام
أهلاً بحراً بحراً وسهلاً نهراً نهراً فــ لطلتك روعة كروعتك أنتِ كوني بالجوار لأستقي من روعتك جمالاً لكِ الجوري |
رد: ياكثرك بصدري يالبدر
|
رد: ياكثرك بصدري يالبدر
|
رد: ياكثرك بصدري يالبدر
|
رد: ياكثرك بصدري يالبدر
اغصان المساويك تجلس عجوز .. في اول السوق .. وبين الشبابيك .. وتبيع السوالف .. وأغصان المساويك .. ومايخالف .. لو باعتني الحكي .. الحكي غالي ه الايام .. مريتها .. ابي الكلام .. قلت : ياخاله أنا .. ان نسوني الناس .. زعلت .. والى اذكروني الناس .. زعلت .. صمتي وحروفي مبعثره .. ضحكت وقالت : لو عدلت .. سلمت قلب وحنجره .. ماعطيتها فلوس على هذا التعب .. وماريحتني من التعب .. قمت وعلى عيوني غباش .. مدت لي مسواك جديد .. عييت .. وقالت لي بلاش .. ان كانت سنونك نظاف .. حطه في جيبك ياولدي .. يجلي محانيك الرهاف .. من كل اأحساس ردي |
رد: ياكثرك بصدري يالبدر
((ارقام )) في آخر الصفحه .. يسار .. خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد .. اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير.. يجمعنا حب الهاويه .. احلامنا .. انا نصير.. وقاماتنا متساويه.. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اكتبني يالنسيان .. انا رقم .. |
رد: ياكثرك بصدري يالبدر
اجمل الحزن يا اجمل الحزن ... لدموعك سلام من حبيب ... بقى منه الكلام وين انا منك .... غربني الزمان وخانني النور ... وابعدني الظلام لو بعزيك ... سالت دمعتي تدري الدمع في حبك ... حرام لو بواسيك ... مايكفي الهوى ولو ابي ... عذر مايكفي الغرام اعطنى من عذابك يا البعيد صرخةٍ ... تجعل ظلوعي حطام اااه ...لو في يدي ابكي معاك قطرةٍ مادرى عنها الغمام مبخل الوقت ... يحرمني البكا وانت لجلك حرمني الابتسام يا اطهر الحزن ... لو كان القصيد يكشف الغم عن بدر التمام لكتب الشمس شعرٍ في سناك وامحي امن السما...عج وكتام ياعسي البدر نوره مايغيب عن حبيبٍ بقي منه الكلام بدر بن عبدالمحسن |
رد: ياكثرك بصدري يالبدر
http://www.youtube.com/watch?v=oLeyo...eature=related
لليل احبك مابقى في السما نور والى ضواني الليل للصبح أحبك واللحظة اللي كلها عند وغرور أشوف قبري بين عينك وقلبك في صدري سراج حزين ومكسور رغم المطر والريح شلته في دربك والله مابه غير لوعاتي قصور وخوفي عليك الله ربي وربك ما بي جهد ابني على صمتك جسور لا حيرتني أسباب سلمك وحربك العمر أحبك مابقى فيني شعور والى جفاني العمر وشلون أحبك |
رد: ياكثرك بصدري يالبدر
أطربتني كثيـــــــــــــــــــــر
... أشكرك بمدد البحار |
رد: ياكثرك بصدري يالبدر
صوتٍ شبيه الريح .. مشققٍ بأعواد شيح مرتّق بالدم .. معتّق بالهم زافر صوتٍ مثل خضر العروق اللي على ظهر الكفوف المبطيه نافر صوتٍ ذبيح .. يصرخ يصيح .. إبلك خذوه القوم بين الفزع والنوم .. أسرجت مهري ألف .. وسلّيت سيفي ألف .. وظهرت تحت الشلف .. ماكان في الشارع غير الرصيف والفجر .. وبواب جيراني من هالمدى راجع .. يحمل رغيفٍ حار .. زاد لثلاث صغار.. للمدرسه صحيوا ولبسوا مرايلهم .. سنين سنين .. هالصوت الجارح الزاجر.. يصيح بي وينك.. قطفت بساتينك .. وابلك خذته القوم.. خذته القوم هالابل.. أفـّز وفي أنفي ..عـجاجة الغـاره .. وأصحى وفي كفي ساعه ونظاره .. مالي إبل أرجـوك مـالي نخيل .. لانصل ولا حـافر.. تعبت من صوت العروق المبطيه.. ومن صمتي الفاجر.. وأنا أخر الفرّيس ظنك .. أنـا أخـر الفرّيـس .. حسبك ياحادي العيس .. هذا الزمن عاري ..لاردن ولا جوخه .. يصهل مهر راكان .. وينادي ابن مهيد .. يوقف شعر هالبيد .. هذا الزمن أصمخ .. مايسمع شيوخه.. شد الرحال .. سافر .. دوّر ياحادي العيس .. روض وزهر ماديس ولذنوبنا.. لذنوبنا غافر وداع يا خضر العروق اللي على ظهر الكفوف المبطيه يالماضي الحاضر .. بدر بن عبدالمحسن |
رد: ياكثرك بصدري يالبدر
((أبي النسيان ))
تذكرتك .. وأبي النسيان ألايا خل ساعدني أنا مالي ورى الذكرى .. إلى مات الأمل خيره أنا ودي على الفرقا حبيبي لو تعاهدني وإلى شفتك .. تصد ولاتجيب لما مضى سيره تخيّر غير هذي الأرض .. مكانٍ به تواعدني تخيّر لك مكانٍ صعب .. أعرف فيوم تقديره عسى الجرح الذي يدينك أشوفه عنك يبعدني أنا اللي أكرهك .. وأحبك .. شعورٍ صعب تفسيره حسيبك .. يالهوى الظالم .. حسيبك لاتعاندني بيلقى صاحبي غيري وأباالقى في العرب غيره |
رد: ياكثرك بصدري يالبدر
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره ذائقتك بالبدر رائـــــــــــــــــــــــ ع ــــــــــــــــــة |
رد: ياكثرك بصدري يالبدر
قصيدة المساافر
.............. لا تلوح للمسافر المسافر راح ولا تنادي المسافر المسافر راح يا ضياع أصواتنا في المدى والريح القطار وفاتنا والمسافر راح يالله يا قلبي تعبنا من الوقوف ما بقى بالليل نجمة ولا طيوف ذبلت أنوار الشوارع وإنطفى ضيّ الحروف يالله يا قلبي سرينا ضاقت الدنيا علينا القطار وفاتنا والمسافر راح مادري باكر هالمدينة وشتكون النهار والورد الأصفر والغصون هذا وجهك يالمسافر لما كانت لي عيون وينها عيوني حبيبي سافرت مثلك حبيبي القطار وفاتنا والمسافر راح ............................ أنشهد رااااح |
رد: ياكثرك بصدري يالبدر
عبد العزيز اكثر قصائده وجعاً
أشكرك من الأعماق كٌن قريباًِ |
رد: ياكثرك بصدري يالبدر
كلماااات المساااافر نابعه من القلب وقبل كل شي تروي وتحكي لناا قصه حقيقيه جرت بمجتمعناا الخليجي المتحجر .. وانا اكثر ما اعجبني بالقصيده .. هذا وجهك يا المساافر لمن كانت لي عيوون
وينها عيووني حبيبي سافرت مثلك حبيبي القطااار وفاااتنا والمساااافر رااااح |
رد: ياكثرك بصدري يالبدر
(( أستبد ))
استبد..استبد احيان استمد كل هذا الظلم من ألمي اتحد من راسي .. لقدمي واضرب بعواصفي وبزلزالي واهّدم الناس .. واهدّم بحالي لين استرد بعض اثيابي من الريح ولحمي من الشوك.. وابتعد..ابتعد واحيان ما املك العواصف .. ولا الزلزال ولا حتى .. فـ الهجير .. ظلال لكن استبد..استبد باللي عندي اضرب بيدي فـ الهوى..بجبيني فـ الصخر لين اتعب ..اتعب..وانهمد مثل طفل اضناه البكا.. والسهر وانتي آخر ماأعد في عمري واجمل ما أعد اعشقي ظلم الغصون الخضر للحطاب والجلد للأنياب..والجفن للسكين اعشقي هـالظالم المسكين... واتركيني انصهر في الشمس والا ارتعد في البرد لكن استبد..واسترد اثيابي من الريح ولحمي من الشوك وابتعد .. ابتعد |
رد: ياكثرك بصدري يالبدر
((الأربعين ))
ادري ان الوقت يذهب ما يعود اربعينٍ فارقتني يالعنود ماطر الايام من غيم الزمان ما يبل الريق لو مهما يجود كم شربته صافيٍ بارد قراح ما دريت ان الظما سر الوجود كل شمسٍ تلمس اشجار العمر تحرق الاوراق وتجف الفنود وكل ريحٍ تدفع شراع العمر ينقطع به حبل ويميل العمود اربعين مرت وتوني صغير انتظر لعل تصدق لي الوعود والغريب اني على هذا مغبوط ادري اني بخير لا شفت الحسود الزمن يا بنيتي كله زوال ما تخلد كود لحظات السجود |
رد: ياكثرك بصدري يالبدر
|
رد: ياكثرك بصدري يالبدر
الله الله ويني عن هالمتصفح انا
وابداع اخوي عبدالعزيز واخوي صالح تسلطن البدر هنا وتوجت كلماته متصفحي ||::||::||::||::|| أشكــــــــركمـ من الاعماق باقات من الجوري واللوتس لسموكم الكريم أخواني |
رد: ياكثرك بصدري يالبدر
انا بصراحه مجنووون بقصائد الشاعر بدر بن عبدالمحسن حبيت انقل لكم بعض قصائده الرائعه اتمنى انها تعجبكم: ((الفتاة الغايبة )) و سـلامـي .. لمن سـأل عـنـي .. أنـا من أشعـل .. عـيـون الفـتـاة الغـايبـه.. شـمـس بـكـلامي.. ليـن تـركـوني النـاس .. و راحـوا لضـي عـيـونهـا .. و رجـعـت نفـسـي طـايبـه.. أجـرّ ظـلـّي .. و كـان لي .. ظـل ثـقيـل .. تعـلق .. بعـود نحيـل .. و القـلـب رجـل عـايبـه .. ترقـا جـبـل .. ردوا ســلامـي .. لمـن سـأل .. يحـينـي الـكـلام .. قـولي .. قـولـي أعـرفـك .. انت من يحـمل جـذوع الـشـجـر للـماء.. ولنـور القمـر ظـلمـا.. أنت اللـي مـردت الـقــوافـل .. تطـلب التـرحـال .. و زيّـنـت الـشـمـال.. نجـمـه .. وعـلـّمـت الغــلام .. اســمـه .. ليـن انتـهـض .. رجـال .. يحـيني الـكـلام .. قـولـي .. في بعـض الـكـذب .. رحـمــه.. الوقـت يمضـي .. صـديـقتـي.. والنـاس تمـضـي .. وهـالحـراس باقيـن .. على ورق هـالـتيـن .. والكـوكـب الفضـي .. والبـوح بالأحـسـاس .. تتـغـيـر الألـوان .. الا الـسـواد .. متى الـسـواد يمـضـي .. تـوي رفـعـت الأرض .. سـجـده .. وســبّحـت لـه.. وحـده .. و صـار الـرمـاد .. ومـضـي .. و كـل الـذنـوب .. غـبـار .. و دمـوعـــي الأمـطــار .. صـديقـتـي .. يحـينـي الـكـلام .. قـولي .. لمـن سـأل .. أنا من اشـعـل عيون الفـتـاة الغـايبـه .. تيـه وخجـل .. ليـن تركـونـي الناس .. و رجـعـت نفــسـي .. تايبـه .. مـن كـل.. مـا في النـاس .. و كـل مـا فـينـي .. الا .. الكـلام .. أنا..الكـلام يحـيني .. يحـيني الكـلام .. قـولي .. لاجـل الفتاة الغايبـه .. من هالعــتيـم .. تعـود .. وردي سـلامـي لمن سـأل .. ان كـنت أنا مـوجـود.. مـوجـود.. و الحـلـم .. رجـل عـايبـه .. ترقـا جـبـل .. و سـلامـي للـفتـاة الغايبـه ((الفجر البعيد )) نامت عيونك وصحى الليل مظنونك أغاني قصّت جناح الثواني غيبتك وصارت الساعة أماني وآهـ ..آهـ أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد .. نامت عيونك إسهر معي ليلة حاول تحس بلوعتي ليلة عد النجوم وش كثرها.. ياللي بقلبي كثرها نام .. القمر فـ وسادتك نام ليتك تغير عادتك خل القمر ليله.. يسهر معي ليله أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك يا ساحر البسمه .. أساهرك نجمه وابسمعك كلمه .. كلمه و لو كلمه قم نادني .. يالله عسى تحتاجني وإن مر ليلي ما سألت وإن زاد ظلمك ما عدلت آهـ.. آهـ أنا حروفي في غيابك لا هي حكي ولا هي قصيد أكتب الظلما وأعيد وإنت ياالفجر البعيد.. نامت عيونك (( الطير )) واطيري اللي زودوا فيه الأثمان اشعل ظهر والصدر يجهر شعاعه لو له شبيه في الملى هو غزالان راجي عل زينه يزود بشـجاعــه خذته ولاني يا هل الطير ندمان من عادتي ما نيب اسوم البضاعه الى ركز في مجلسي طير حوران وتجمعوا عندي كثير الجماعه وشلته على كفي كثير الغثا هان عندي غدى للهم مثل المناعه لا صرت فيما تطلب النفس بلشان اترك طمان القاع وارقا برفاعه وباكر تصاريفه على عالي الشان من يضمن الدنيا ولو ربع ساعه ((العطش )) آه ..يا العطش جفت اشفاهي وصوتي الواهي ارتعش لو حبيبي ما .. ما سقاني الما لو شربت أظما لحبيبي .. وللعطش يا سموم القيظ ..جفت عروقي تحتي الرمضا..واللهب فوقي والعطش شوقي .. وشوقي للعطش اسقني عيونكحبيبي .. أو أموت ما ابي رمشك نعش يا وسامي الحب ..امطري في القلب الزهر والعشب ..قلبي يا مطر الظما .. والجوع .. بعدك .. والدهر لو حبيبي ما .. ما سقاني الما لو شربت أظما لحبيبي .. وللعطش (( السهر والخوف )) نبي .. نطفي قمرنا .. لو يعذبنا السهر .. والخوف .. نبي ننثر قهرنا .. يا حبايبنا .. على مد النظر .. والشوف .. نبي ننزع من أعماق الحشا سكين .. نبي ننزف حنان العاشق المسكين .. ونجرح في سواد العين .. صورنا .. ونبي نطفي قمرنا .. سامحينا يالمحبة .. لو جرحنا وانجرحنا .. س امحينا لو نسينا .. في الهوى ضحكة فرحنا .. وآه يالنصل الحرير .. ياهوى القلب الضرير.. يالجروح اللي مضت .. واللي بتصير .. نبي ننزع من أعماق الحشا سكين .. نبي ننزف حنان العاشق المسكين .. ونجرح في سواد العين .. صورنا .. ونبي نطفي قمرنا .. ((المرايه )) كلنا عشاق لكن .. إنتي لا ما انتي معايا .. لما تجمعنا الأماكن تاخذك مني المرايا .. انتي مشغوله بروحك ما ملك عقلك وروحك لا أنا.. ولا سوايا اعطي ظهرك للمرايا .. وشوفي غيرك اظهري من ليل كحلك ومن أساورك وحريرك افتحي الشباك مره .. شوفي الناس والشوارع وش كثر هالغربه مره .. للي وسط الزحمه ضايع انتي مشغوله بروحك .. ما ملك عقلك وروحك لا أنا.. ولا سوايا كلنا عشاق لكن كل واحد له حكايه .. كلناعشاق لكن كلنا نحبك.. نحبك وأنتي جرحك في ساكن .. وأنا جرحي برا قلبك أمشي لو نصف المسافة .. وقفي بينك وبيني أكسري كل المرايا .. أنتي أجمل وسط عيني يا للي مشغولة بروحك من خذا قلبك وروحك هو أنا .. ولا سوايا كلنا عشاق لكن كل واحد له حكاية (( البتول )) كـل أرضٍ تشيلك يـا ثـقيـل الحمــول وكل وقتٍ كريمٍ بالرضا والزعل وين مـارحت تلقى لك حبيب وعـذول وين ما كنت تلقى مثل ياسـك..أمل ياطـريق الترجي والوله والـنـحول والله إني مـشيـتـك... لـين حد الـثـمل مالقيت فوصولي لغـير قــبري وصول ولا عـرفت فـحياتي مثل عرفي الجهـل لا تظـن المـسافر مـن يسوق الـرحول مـن وقف دون حلمه عاجزٍ ما رحـل وما لمخلوق منجا في الحذر والجـفول مـا تـصيب السـهام ولا يـطـيـش الاجــل الـلـيـالي خـــــوات.. مــير مـنـهـي البـتــــول والحــوادث عـشــــايـر مـير ويــن الفـحـل ليلةٍ لـك .. وليله بـالفـــرح مــا تـطـــــــول ولـيـلـةٍ مـن شــهــدهــا ذب راس الــجبـــل أتذكّر في عين الشمس طفــلٍ خـجـــول شـالـتـه فــي هــدبــهــا وقـت لــين إشـتـعــل أعجب الناس وهجـــه بالجــدل والفـضــــول ما دروا عن (جمـــال الجـرح) لــين إنـدمــل والله اني كتـبـتـه في العطــش والذبـــــول لــين غــصــنــه تــعـــدل بـالــورق وإعـتــدل والله إنـي كــتـبـتـه لــــين قـــــــال الجـهــــــول والله إنـي كـتـبـتـه وانــتــشـى واحـتـفــل ما أتفه الشعر كانه هالحكي اللي نقول لا تـعـدى الــمــــديــح ولا تـعــدى الـغـزل إن لثمت الزهــــــور وصــــاحبتني الحقــــول مـاهقيت ان صافـي الشهـد عيب النحل مابقى في ضلـوعي كود ريـح مـعـمــــول وثــــوب شـاشٍ عـليه مــن النــدامـه وحــل ألـتـفـت للـطــــريــــق ومــا عـــبر مــنــه زول فـــي جـفــوني تـزاحم عبرتي والـوجــل طـلـت يالعـمر والا قــلــعـتـك لا تـطـــــــول طــاولــتـنــا الـلـيــالي بالـســــهــر والــمــــلـل إن تـعـبـنــــا نـــحـب ولا لــقــيــنــا قـبـــــــــول مـا تــسـر الامـــانـي .. ولا يـفيـد الـعــذل لكن .. الله كريم وكل همٍ يزول مـا على الله بعيد .. ولا جـفـاك الـمـحـل كـل أرضٍ تشيلك .. يـا ثـقيـل الحمــول وكل وقتٍ كريمٍ بالرضا والزعل |
رد: ياكثرك بصدري يالبدر
قالت : يحبني , ســألتها بِ يتزوجك ؟
............................... قالت مدري ! قلت إسمعيني وخذيها كَلمه مٍن رَجل يِفهم لِ ,, الرجال ! ... [ تَرا اللّي مَـا يتزوجك مُستحييل إنه يحبِك ] اللّي مَايهديك إسمه وَ .. يتشرّف بِك تكونين حنانه ...... و ياخذك عهد وَأمانه.. و يمنحك بيـت وحياة .......... و يقسم أيامـه لِ قلبك مسـتحيل إنه يحبك أيّ حُب اللّي تبينه , أي رجل تِصدّقينه ! ايّ عُمر تِضيـعينه , وأي زهر تذبلِيـنه ! يَا حَنـنونه .. يَا رَقِـيقة .. يَا وِفــّية .. َ البسَاطة إحسِبيها .. و إفهَميها .. و إعقلَـيها / اللّي مَايِتزوجِك مُستحِيل إنه يحِبك ! يكَفي العُمر اللّي ضآع , وَ .. يكفِي الشٍمع اللّي مَاع ِتى تخِلص هـَ الحِكَاية ! مرّه إتخذي قَرار .. ينِقذك مِنْ هـَ الضيَاع ! فآرِقـيه وَ عِيشي عُـمرك ! .. فارِقيه وشُوفي زَهرك فَارِقيه وَ أمشَي دَربك .. تُوبي عَن ذَلك وَ ذنـّبك و .... إنّ ضـعفتي مره ورد الحنان حطي في بالك حقيقه ..........................................قاسية حيل و مريرة اللي مايتزوجك مستحيل انه يحبك اللي مايتزوجك مستحيل انه يحبك اللي مايتزوجك مستحيل انه يحبك .. ! بدر عبد المحسن .. |
رد: ياكثرك بصدري يالبدر
تسلمين اختي بنت الحموله قصيده في قمت الروعه من شاعر متألق ورائع
كل الشكر لي اطروحاتك ومواضيعك الشيقه بصراحه مثيره جداا بنت الحموله دمتي بوود واحترامي لك اختي لكــي تح ـــيآـتــي وتقديري اليك ............ ارجو ان تقبلي مروري ... |
| الساعة الآن 08:22 AM. |
