|
عودة الحنشووولي ؟؟؟
ربي يسعدكم جميعا اخوااني واخوااتي مافيه الا سلامتكم سبق وسجلت مع عنااايتكم لكن ألأخ الحسرة ونشبة الزور بدر الشماال ذبحته الغيرة مني على ماذا ؟؟ ما ادري بإمكانكم سؤاله ؟؟ اعطاني 5000 الاف دولااار وطلب مني الذهاب يم الموزمبيق يقوول يبيني اغير جو وكسياااحة وبعودتي اجلب له كرتوون مووز طاازه وللأسف الأخ بدر الشماال خاان العيش والملح والفوول والعدس بلغ حكومة الموزمبيق بأنني ارهاابي ومعي فلووس دولاالاااات مزيفه وطول مدة غياابي وانا مسجوون وهنااك يعلمون كل المساجين كيفية حفر القبووور وإجادتها وابشركم حصلت على شهادة الدكتورااة بأي حفرية مهما كااانت ومهما كااان حجمها والآن ابي منكم الترحيب بي ومساندتي بتعويضي كم الف مشااركة من رصيد بدر الشمال مدري كيف انتوا صااابرين عليه ومتحملينه ولايهمكم له من عندي حفرة على خمسة شوااارع وكله من شاانكم وكرماال عيووونكم ايااي واياكم تصدقون عما سيقوله عني اعرفه يجيد تحريف الحقائق وهو من النووع اللي يقتل القتيل ويمشي بجنااازته وانا بريئ ومظلووم واطالب بحقوقي المسلوووبه وانتوا خير معين ومساااند لي بانتظار ردودكم وتفاعلكم ... للجميع تحيااااتي ســــــــــــــــــــــــــلام |
رد: عودة الحنشووولي ؟؟؟
أخوي شبيه سهيل حياك ربي وانت من اصحاب المنتدى ومؤسسينه القداما ولك به من المشاركات الكثير والحضور البهي والباسم ودائمآ نجد الأبتسامه والبهجه لا تفارق محياك وبعدين يا اخي انت حطيت حجتك هنا ولا نعلم ماذا لدى الأخ بدر الشمال حيال ماذكرت اكيد إنه يملك الأدلة التي سوف يطلعنا عليها .....اهلآ بك اخوي ومرحبا وسرني واسعدني تواجدك |
رد: عودة الحنشووولي ؟؟؟
ههههههههه شبيه سهيل مرحبآ مليون يا الغلا والله انك نورت المنتدى لكن ياخوي ابي انصحك مالك ومالك بدر الشمال وانت ينطبق عليك المثل اللي يقول احضر العصابة قبل الفلقه ...وما ندري بدر الشمال وينه نبي نجلس معكم وكلآ يدلي بدلوه لكن اللي عرفته انك اكيد مقصر مع بدر وبالمنتدى ودخلت بهذه العريضه من الأتهامات الا قولي تشاركني بالدولارات لامنهن حصلن عشان اكون بجانبك ولي بعض الأسئلة وين صارلك زمان مشفناك هنيا عسا المانع خير ارحب ياشبيه سهيل |
رد: عودة الحنشووولي ؟؟؟
اخووي الشميلاني تسلم يالغاالي وشااكر لك كلامك الحلوو تعاال يالحبيب شكلك بتقدم طلب وظيفه على هيئة الأمم المتحدة وتمط رقبتك بالنوايا الحسنه المدسووس بها السم بين عليك خبير شحاااذة أوي ياقدع ؟؟؟ ســـــــــــــــــــــــــــلام |
رد: عودة الحنشووولي ؟؟؟
ههههههههههههههه حيااااااااك الله اخوي شبيه سهيل في بيتك الثااني نورالمنتدى بعودتك الغاليه على قلووووب الجميع ننتظر ابدعاااتك اخوي لك ودي واحترامي.. |
رد: عودة الحنشووولي ؟؟؟
هلا ومرحبا اخوي مسفر الكثيري
يااارب وش صاار بأعضااء هالمنتدى صااروا يجيدون الشحااذة ادري كله من علة النحر بدر الشمااال قاعد بعايرة الشاارع وهوز الشيشه بيده ومسوي نفسه شيخ عرب يامر وينهي وانتوا جاملتووه وسايرتوووه وطبقتوا المقوله مايخدم بخيل لكن بعد حضووري وقت اللعب واللف والدوراان انتهي وستعود الأموور لنصاابها ومايدريكم اكون شيخ عرب على فجأة ؟؟؟؟؟ شاااكر لك مروورك ولطفط يالغااالي ســـــــــــــــــــــــــلام |
رد: عودة الحنشووولي ؟؟؟
شبيه سهيل من طول الغيبات جاب الغنايم والله الظاهر ما هناك غنايم من دخلت وانت ناوي القشاره الله يستر منك لا تكون انت وبدر الشمال متفقين انا اشوف هالشي واضح من خطاباتك ومعاريضك اقول مالي شغل العمر ياشامان ابي الهربه وش اللي دخلني بينكم هههههههههههه ارحب وننتظر مالديك من الجميل |
رد: عودة الحنشووولي ؟؟؟
هلا اختي سحر الغرااام
حياااك ربي ويا هلا بك تسلمين على المرووور العطر ســــــــــــــــــــــلام |
رد: عودة الحنشووولي ؟؟؟
شيئ غريب اسمك مخااوي الصبر ؟؟؟
احمد ربك ان الصبر مارفع عليك شكوى وتظلم هذا ردك علي وانت صديق الصبر وخويه ؟؟ اجل وش بيصير بك لو سرقت هالصبر منك ؟؟ اكيد بتنادي على بدر الشمااال وبتقول له ياخاله شبيه سهيل يسلم عليك ؟؟؟ تسلم يالحبيب شااكر لك حضوورك ومداخلتك الحلووة ولا يهمك المسأله كلها دعاابه بدعاابه وعسااك والجميع سااااااالم ســـــــــــــــــــــــلام |
رد: عودة الحنشووولي ؟؟؟
ياخوفي من الدعابه انا اعلم انها دعابة لكن ما اعرف وش اللي ورااها وبعدين الصبر اللي عندي مايتركني وما ادري وش لقا برفقتي الله يعيني على الصبر لايهمك اخي انا اعلم انك تحب الدعابه وهذا شي يسعدنا تقبل المرور والرد |
رد: عودة الحنشووولي ؟؟؟
اخوووي مخااوي الصبر
ابشرك انفتح لك بااب الرزق وش رايك نعلن تأجير هالصبر للأعضاء والعضواات ؟؟ مقابل مبلغ ماالي ومن ثم نؤجره على بدر الشماال ونتهمه بأنه ضيع الصبر واخفااه وعليه دفع الديه كامله وهكذا نصير اصحااب عقارات ويشاار لنا مدري بالكراع او بالبنااان ويقاال عنا اهل واصحااب الصبر وش يدريك يمكن بدر الشماال تذبحه الغيره ويدفع لنا جزيه جزله ؟؟ ســــــــــــــــــــــــلام |
رد: عودة الحنشووولي ؟؟؟
اي خبير واي قدع يا اخوي الحين طلع واحد اسمه شبيه سهيل يقولون و على ذمة الراوي فاتح معهد ويدرس بها فنون الشحاته لإنه خبير بها وعن خبره قلنا نبي نحجز تذكره لوظيفه يمكن اننا نرده لطريق الحق ويقضب الارض هههههههههه |
رد: عودة الحنشووولي ؟؟؟
ماشاء الله تباارك الله
الشميلاااني صاار واعظ ومرشد ياخوفي يطلع ان تجيد الحجامه وقلع الضروووس مثل ولد عمك بدر الشمااال انا شحااذ وحنشووولي واملك مقبرتين وحده منها ابشرك هالحين ابنيها دورين ؟؟؟يابعدك وياحليلك اذا تمني نفسك بأحد ألأدوار العلووية حسن تعاملك معي ولعل وعسى يتهيأ لك حفرة بالدور العلووي ؟؟؟ ســــــــــــــــــــــــلام |
رد: عودة الحنشووولي ؟؟؟
اخوي شبيه الحفر كثرت هاليومين ما ادري اي حفره تقصد بعدين يا اخوي وراك على ابن عمي خله لين يجي بنشوفك خشتك وشولون تصير اللي اتوقعه انك تضيع درب بيتكم هههههه بعدين ماتبي مقاول يبني لك مشروعك الناس تروح للأسهم وانت تروح تبني ادوار اول مره اشوف واحد هويته جمع العملات والكتابه على الجدران لا قولي يا اخوي ورا هرجك كله الغاز دمت بعافيه اخوي |
رد: عودة الحنشووولي ؟؟؟
اخووي الشميلاني
ربي يسعدك أضحكتني بجد ابشرك وجهة دعوة لشااعر كفؤ وراوي ومثقف وعن قريب سيكوون بيننا وياخوفي يكوون بصفكم ضدي ماهو بعيد من بدر الشمااال بالمحقة وسلااال ابو حمد ولسانه طويل من قاال لك ان لي بيت ؟؟ماهو المقاابر بكل مدينه وشهوله التعب والعناااء بعدين احمدوا ربكم اني خبير مقاابر بمنتداكم واعطيكم معلوماات لحد الآن ببلااااش ؟؟ ســــــــــــــــــــــــلام |
رد: عودة الحنشووولي ؟؟؟
والله الخبره ابك كل خبرتك هم بهم ولا تسر اللي يسمعها الظاهر انك مثل الغراب ماينعق الا بالخرابه والله انك ما انت بسيط انت مثل خيط الوبر ناعم متين تدري يمكن تصير بيني وبينك هدنه ومشكور اخوي على دعوة الشاعر الا قولي وش اسمه وراك ماتذكر اسمه يا خوفي انك من تسمع بأسمه يصبك اجفال وخوف وبعدين كل المقابر ما تخفيك عنه وبشر الظالم ولو بعدين حين |
رد: عودة الحنشووولي ؟؟؟
اخووي الشميلااااني
المشكله ان هالمدعو يجيد المداعبة احسن مني ونفسه طويل لكن مسلوول حاال كنه بدر الشمااال مايحبووني علما بذلك انني حبووب بنظري ومزيووون لكن البناات بهم حول وعمى الوااان ؟؟؟ ويمكن هذا من صالحي المدعو رفض يعلمني باسمه ويقول الكتاب يقرأ من عنواانه وش رايك انني اطنشه ولا ارحب به ؟؟ حتى يكون لي اعتبااار واجبره يكوون بصفي ؟؟؟ ســـــــــــــــــــــــــلام |
رد: عودة الحنشووولي ؟؟؟
انت وجهة دعوه للرجال عشان يكون معنا والحين تبي تهرب الظاهر انك ما تحب الأوناس
وتبي تجلس للحق ما هي لحية مقابر ودور ثاني وان عرفت انها كبيره من يوم انها صارت دورين وانت للحين جالس بالملحق شبيه سهيل والله انك عسل تقبل ردي |
رد: عودة الحنشووولي ؟؟؟
|
رد: عودة الحنشووولي ؟؟؟
اخووي متواااضع
ربي يطوللي بعمرك على هونك خلني افهم عليك هو انت ترحب بي ولا تغاازلني ؟؟ وش جااب سيرة نوور ولميس ؟؟؟ لايكون بدر الشماال يقول لكم انه يعرفهم ؟؟ حد معرفته الموزمبيق والصوماال ومن المغرب هو يناام خايف يضيع بهالسواااد و ياكله سبع ولا تمساااح ؟؟ تسلم يالغااالي بكل ألأحواال وشااكر لك مروورك الكريم والكلمااات المعبره ســـــــــــــــــــــــــلام |
رد: عودة الحنشووولي ؟؟؟
أخوي شبيه سهيل من عادة العرب يزينون عبارات الترحيب وبعدين ذكرتنا بقصتك بمناحي ودنحي وإخترت بدر الشمال ومسفر الكثيري يقومون بالدور وإنت ينطبق عليك مامادووووووووو شاكرلك خفة دمك وحتى لاتقول كم وزنه بدر الشمال ينوب عني وتحياتي لك |
رد: عودة الحنشووولي ؟؟؟
اخووي متواااضع
تراني ماعرفت لك كنك موج البحر ماتقوول هي جاية هالموجة الا اذا بها راجعه وهكذا وفجأة تختفي هالمووجه بيني وبينك ولا احد يدري احس انني سوف اقع بالفخ حيث انني بلشت بعمري بين هوامير وسمك القرش والخووف علي وليس مني وكله من بدر الشمااال ذبحته الغيرة مني ويبيكم تنهون وضعي لكي يتفرغ لكم ومن ثم يستدرجكم فرادى ؟؟خلونا نتحد ونقضي على راس الحية يامووسى وفهمك يكفي والظاهر اني ابي من يفهمني ؟؟؟؟؟؟؟؟؟؟؟؟؟؟؟؟ ســـــــــــــــــــــــلام |
رد: عودة الحنشووولي ؟؟؟
الأخ شبيه سهيل يأتيني إحساس إنك عارف عن كل واحد فينا أدق التفاصيل وتدري أنا من عشاق البحر وخبير بالأسماك والموجة واضحة وتختفي بعد ماتضرب اليابسة والأسماك كل سمك له طريقة صيد وموسم وبدر الشمال صار لنا فترة معه وماشفنا منه شي والخوف منك تدربت بأفريقيا ويمكن ناوي تقلب (الفروة ) عليه وتحتل المنتدى وبعدها تساومه على ال490 ريال اللي عندك خبرهم وتقبل تحياتي |
رد: عودة الحنشووولي ؟؟؟
اهااا بدينا بالضرب تحت الحزااام
اخووي متوااضع علي النعمه من اراد ان يعمل انقلاااب بهالمنتدى والمحصلة حضرتك وهذا اللي فقع مراارة الصبر وغيرهم الكثير الا تشوفه يمشي بعز هالظهريه حاافي وعريااان ويندم على فعلته ؟؟؟ شيئ من وراء بدر الشمااال مايجي بهون وراحة بااال وانتوا سنايده الا صدق بدر الشمااال وينه ؟؟؟لايكون هو بهالرشااش حاارس المقبرة خاايف هالميتين يثوروون على النظيم ؟؟؟؟؟ تلاحقوا رفيقكم تجدونه هالحين ذابحه الجووع والعطش وشوشته طايره وعيونه مبققه ربطووه وكبلووه وعليكم بكيه بالعلبااة ؟؟ لكي يفيق ويستعيد رشده ؟؟؟ ســـــــــــــــــــــــــلام |
رد: عودة الحنشووولي ؟؟؟
شبيه سهيل أخوي بدر الشمال البارح مكلمني وكلامه طبيعي ماشككت إن عقله به خلاف وأنا خايف إنك مسوي (...........)لأن أفريقيا بها دجالين واجد ومشهورة ونحملك المسؤلية كاملة بس إلحق زميلك بالماء البارد إنت أقرب مسافة مني وتحصل 490 ريال بجيبه شاكرلك إسلوبك الراقي وتقبل تحياتي وتقديري |
رد: عودة الحنشووولي ؟؟؟
اخووي متوااضع
اشك لايكوون بعيونك حول بين ؟؟ ترمز للواقف على اليمين امامك بالويل والثبوور والمعني الواقف امامك على اليسااار ؟؟ بعدين وش سالفتك مع ها 490 رياال الله لايعيدها صاارت لي نشبه ومسبه ياخي تبرع بها لي وانسى امرها اقوول لو اخبرك انني فقط عشت بمدينة القطيف 25 سنه لاغير ولازلت املك مزرعة هناااك وش رايك انا وانت نرووح للنجف زيارة وسيااحة على حساب بدر الشمااال وهذا من سابع المستحيلااات أن يلبي طلبنا ادري به ذابحة البخل وكنز الدولااارااات ؟؟؟ ســـــــــــــــــــــــلام |
رد: عودة الحنشووولي ؟؟؟
هلا والله ابو محمد كم انا سعيد بوجودك ويسرني ان ارى تفاعلك المعهود واعتذر اخوي لأني كنت مشغول وانت تعرف هالشي وهنا اسمح لي اعرف اخواني واخواتي اعضاء شبكة ومنتديات الشميلات بك ..... هو شبيه سهيل انسان متواضع يحب الجميع ويحب ان يدخل البهجه لكل القلوب ...شبيه سهيل انسان طيب وكريم لايحمل على احد ولا يمكن ان يحقد على احد قلبه ابيض ووجوده دائمآ يتسم بالنبل اضافه الى انه انسان صريح يقول ما بقلبه بكل صدق وامانه له طريقته الخاصه بالردود والمواضيع ودائمآ يدخل الابتسامه بمواضيعه يحب الخروج عن النص دائمآ لكي يعطي للمتابع الأريحيه بالردود اتمنى ان نستفيد من هذا الانسان الرائع شبيه سهيل اهلآ بك ....وبعودتك اخي وصديقي ونديمي الوفي ننتظر ابداعك يا ابو محمد ووننتظر ما تقدمه لكي ننهل من معرفتكم وعلمكم |
رد: عودة الحنشووولي ؟؟؟
سبحااان مغير ألأحوااال
ألأخ بدر الشمااااال يمدحني ويثني علي اماااااام الجميع أكيد لديه اسئله ومحتااج لخمسمائة رياال على باله انني لازلت على عهدة تسلم اخووي ابو عبيد وشااكر لك ثنائك الحميد وانا على خبرك لكن ابي لي فرصة لكي افهم على الجميع وهم يفهموونني وحينها لكل حادث حديث ولا تفرح سأكوون لك شوكه بزوورك واعلا مافي خيلك اركبه ؟؟ ســــــــــــــــــــــــلام |
رد: عودة الحنشووولي ؟؟؟
ههههه اول شي انت لو انك بكبرك شوكه وش بتسوي اللي يسمعك يقول وزنه 40 كيلو خابرك لو عطس واحد بجنبك طرت مسافة ولا يرجعونك الا الهلال الاحمر لأن نص ضلوعك تكسرن لأنهن مثل عودان الأسنان وبعدين يا اخوي لا تروح بعيد الكحلي يترقبك ولا نسيته لك تحيتي وتقديري |
رد: عودة الحنشووولي ؟؟؟
ابشرك عرفت نقطة ضعف الكحلي
صرت اهدي شرطاان اغااني الساامري والمذهووب صاار من هواة تربية طيور الحماام واهدية له جوز صنعااني ومواعده بجوز فرنسي وهالحين ضمنت سلامتي منه انتبه لاتخليني اوعز له يمك والبركه بطيور هالحمااام ســـــــــــــــــــــــلام |
| الساعة الآن 10:55 AM. |
