(شبكة ومنتديات الشميلات الرسمية)

(شبكة ومنتديات الشميلات الرسمية) (http://alshemailat.com/vb/index.php)
-   دواوين الشعراء (http://alshemailat.com/vb/forumdisplay.php?f=114)
-   -   ديوان الشاعرة العمانية هجير ؟!! (http://alshemailat.com/vb/showthread.php?t=10987)

بدر الشمال 22-10-2010 10:46 PM

رد: قصيدة وينك أنت ؟!!
 
الشاعرة هجير

قصيدة من البارح

وناض لصبحك الناسك غلا ينثال بظنونك =ترّجل للهزيع اللي تثاقل , قلت: وش فيني
من البارح تهّيالي هجوسك ليه ما تخونك =جفل هالجرح للعتمة ,, رجع يجّتر تخميني
توّهرت الحنايا اللي تشب الليل في شجونك =ألا من جال في هجسه وصوته حيل مجفيني
ترّهل هالثرى حتى يّعن الشوف ل غصونك =ألا ليت الجوى مرة يفل الرند في يديني
هنا وأشّر على عيني // أروح بعيد لركونك =مسا روق الزوايا اللي تناظرها رياحيني
هنا وأشّر على قلبي // تهّجد كل مكنونك =ندهته لين هلل بك: هلا بك يا بعد عيني
من البارح يرف طاري ولا ثرثر عن طعونك =ولا به شي غير انه يهيض لاعج سنيني
لك الله من لواعجها ,على ما جاني اشلونك؟ =عقب ما ينجزع فيني هجيرن من شراييني
وش اللي عج بأنفاسي ومر الشوق من دونك ="أناي" اللي على خبرك " أنا" جت تسألك ويني؟
سكبت قناد طُرّاقك: أنا و إطراقة جفونك =مضى ثلث المسا وانته مسّريها يا ساريني
زمن : ما تنثرك إلا غرابيبك على متونك =بقايا أطراف نسرينة , تسج بها عناويني
زمن : تختال بهمومي إذا سجّيت يطرونك =من اللي هام بك ؟ وإلا دخيل الشوق خليني !!
أمانه والليالي اللي تجلجل طيف مجنونك =تثاقل كل ما فيها ظما لا قلت : وش فيني ؟؟

بدر الشمال 22-10-2010 10:49 PM

رد: قصيدة وينك أنت ؟!!
 
الشاعرة هجير

قصيدة وقال الوجد

وقال الوجد : يطرالي !! و رد الساري اللي جال: =ترى وش ذنب قلب الي سراك وصرت منزالي
إذا تأذن أنا جرحي , يدرهم في حنايا رمال =يجوب أنفاس هذا الليل .. توّكأ ضلعه البالي
يرد الوجد : لين أظمى أجيلك كل كلي هبال =إذا أوثقت بوثاقن أكيد أطلقت لك فالي
ألا يالوجد كنت أعرف بأنك لي شتات آمال =ويظمى كل ما فيني وله ,, لا شّح مدهالي
تكرمت بعذر يومن نسيت الوابل الهمّال =ولا ادري ليه ذا قلبي يهيم ببرد هلهالي
عرفت إني قتيلك إيه وشي في الحشا يغتال =بقايا إنسان بس قل لي: قتيلك منهو التالي
أنا اللي مهاجر لجلك على متن المسا المختال =تباهى الغلس بي حتى لفظت أنفاس غربالي
يصير الطارق العابر ,,, عجاج بمعمعة خّيال =يسابق بالقنا صوته ... يشتت هجس عذالي
وكنت اللي تهاجر بي لأرض ما تناجي ظلال =عدوي طيفها لما ,, تماهى سرابها اقبالي
غفيت وهالثرى يوقظ بعيني غفوة الترحال =أشّد رحال تسهيدة ,, من الاهداب للسالي
سقى الله خافقٍ وانثال ثم انثال ثم انثال =على رجم المحاني به نحرت اهجوس في بالي
هلا بالوجد في مسرى جنوبن يولجونه اشمال =أجر ذيول هالذاري ,, من أطلاله لأطلالي
هلا بك داثر ٍداثر ,, عزاي إن السنين اثقال =أغص بغصة اهمومي ,,,,أمانه يا بعد حالي
كثر ما استعطفك فيني ,, تدّج بنفس هالموال =أنا من بعثرة دنيا, تبعثر كل شي غالي
ألا وش ذنب قلب اللي سراك وصرت له منزال =يقول الساري اللي جال وّرد الوجد: يطرالي !!

بدر الشمال 22-10-2010 10:51 PM

رد: قصيدة وينك أنت ؟!!
 

الشاعرة هجير

قصيدة الى بقاياه
أما بعد ,, يا الفجر وهذي المجفيات اعتاقي =عقبك وكم فاضت عيون الوادي اللي أزهر
أطال ربي في دوام النبع ...... من برّاقي =عهدي بهذا الوادي المهجور لجلك يسهر
ان ما تنفس من ضياك وبعثرك بإشراقي ,,,, =و إلا الوفا ما هو ل عين اللي يودك أكثر
يشعل هزيع الليل يوم ان الوكيذب ساقي =إيه والذي سواك لجّه غايبك لا ثرثر
عرجونه الرويان وصهيل النجايب باقي =من تمتم لعينك وتمتم : يا صباح السكر
يا ريح هاالفرقا تنمنم رسمها باعماقي =تغرودها اللي جال في موق المسا يتحدر
شبيت لك مني بقايا الجمر في أشواقي =يومين وزهابي سواليف الضحى لين أدبر
يامن يعاذلها ,, مجاهيم السما بأحداقي =لاحت طوايلها و لا ريت الجهام أستمطر
إما تدوج بها محاني البيد أو خفاقي,, =وإلا الثنادي له رحابة هاالنسيم الأذفر
أتيه من تيهك و أجيلك عنوةٍ ل نياقي =أزجي مغاتيري , و أطياف الزمان الأغبر
أتسنم ذراها, و هجس العابرين رواقي =لا الصبح أسفر بي ولكن السنا بك أسفر

بدر الشمال 22-10-2010 10:53 PM

رد: قصيدة وينك أنت ؟!!
 
الشاعرة هجير
قصيدة إن لمحت النور
ان لمحت النور دعْ ماهو تجّلى في طلوعه =يفتن الجهمه اذا شارف بها ومض إلتماعه
لاح قرن الشمس لا منه دنا ينشر سطوعه =ابعيون الشمس يشعلها من إسهابة شعاعه
والرياح اللي تدحرج هالصَبا وتصّب فوعه =في رضاب المجد من يوم الصَبا مر اليفاعه
يستطير اهبوبها للقاف .. إذ تدلج جذوعه =و يا مهب ٍ ما استطار إلا على هامة قلاعه
قايد ٍ قيدوم ياالمقدام .. قرم ٍ في فروعه =من سلاطين الفخر والجود بحر ٍ بإتساعه
وبله الهّتان يا ذا الغيم يحشد من جموعه =مدري هذا البحر وإلا الوبل يحكي عن طباعه
لين ياخذ من علوم النجم والورقا القطوعه =في دراري نجومها .. لو مد للفرقد ذراعه
ما طرق إلا الجدي لامن تهادى في ربوعه =ليلتن قمرا .. وسعد سعودها يالله راعه
في غداة الفجر ما غير السنا يزها بطلوعه =اشهد انه سيدي قابوس هو رمز الشجاعه

بدر الشمال 22-10-2010 10:56 PM

رد: قصيدة وينك أنت ؟!!
 
[font="arial narrow"]
الشاعرة هجير

قصيدة إستعطاف

كتب عابر سبيل يستعطف الليل أثناء وحدته :
ترفع عن الظلم لامن جبت لي الذكرى
لهذا اشوفك تهاجر بي ونا المسرى
تفضل بعفو ٍ يليق بصمت هالعابر
يمرك وقبله تمرك ريحك الصفرا
اذا مت صبرا , ترفق بي ترفق بي
ظلامك قريته .. وعيّت نجمتك تقرا
لي الله ربٍ كريمٍ يلطف بحالي
وهذا ومني سلامن وانت بي أدرى
قالوا " لو تُرك القطا ليلا لنام "
وقالوا " صدرك أوسع ل سرك "
قالوا
وقالوا
وقالوا
زعم الدجى انه تهاوى على الشده
لين انتحى للثرى صمته وعصيانه
يدمي هجوس وتناوب صوتها حده:
خلي الدجى يدمي الهوجاس باحزانه
قلت الشدايد هزوم ٍ .. ثنّت ب رّده
ادري الزمن ما رجع الا مع اعوانه
مسيت بك يا غريب .. ضلوع منهده
كلك مسا واهن ٍ .. ترثيه غدرانه
ما قلت لك اصدقاك النور يا ضده؟؟
تطرق نجومه الين تلّج بأوطانه؟؟
كان الحبر قطرة ٍ تنساب في يده
وكان الزمان الذي يطريك في لسانه
فضفاض هذا المسا لو ياسع لسده
غريب ما تاسعه في الهم جدرانه
يحتاز همه مثل حوز الحشا ل وده
قم يالغلا للوداد اللي على شانه
عقيقة السحب تنثر مزنها ب نده
وشلون لو ينتثر في تويج ريحانه
من علّم العابر المطعون من مده
يستعطف الليل.... يومن خان خلانه
لعمرك ان الدجى لو صّعر بخده
ما قلت له معاتبٍ من ذا الذي صانه
ظلمك أبي ترفعه أو عني تصده
عفوك وقل: ياغريب أطرب لنسيانه!!
[/font
]

بدر الشمال 22-10-2010 10:58 PM

رد: قصيدة وينك أنت ؟!!
 

الشاعرة هجير

قصيدة ما تباهى الا خيالك

من متى كان الشغف ما ينثرك في أسئله
من متى هاالوجد يخلق من تباريحي اجابه
من متى هذا الوله ما فز لك لين أجهله
من متى فيني الجوى يحتار بك ياللغرابه
من متى هالعشق يطفي بالحشا ما يشعله
من متى هالشوق لوّح من بعيد وجر مابه
يوم خبّيت المشاعر داخلي ,, شي أحمله
"عيدك مبارك " وعيدي ما يرق الا صبابه
ما بقى لك من تهاني العيد قول ٍٍتنهله؟؟
يكفي انك في عيوني تلمح شعور المهابه
طايعن ربك , عزيز, والمعاني تجّمله
من متى في الجفن هجعة لابةٍ..مسرى للابه
غير جفنك لا تسّهد ,, وان تباهت أخيله ,,
ما تباهى الا خيالك بينهم .. لا ما تشابه
من متى والا متى بس جيت وقطافك وله
يكفي اني قلت عيدك تبتهج لجله سحابه




بدر الشمال 22-10-2010 10:59 PM

رد: قصيدة وينك أنت ؟!!
 
الشاعرة هجير

قصيدة الليالي
لا العيون اللي ب ظلما ضج واهجها ب خميله =لا الطعون المجفية ذي من طعون اللي مجافي
لا الجروح الغايرة ذي والضلوع بما تشيله =تزجر همومي بزجرة ليت بس الشوق خافي
رحت .. ودّرت الليالي تشعل الدمعة العليله =في محاجر طرفها اللي ساجي ٍ والنوم عافي
حال ؟ وين الحال !! جفني ما غفا والله ليله =من خمار الليل خايلت السنين اللي عجافي
باأسأل اطيوفك عساني ألمح اطيوفي النحيله =قلت أخايلها وثاوي النور باهداب السنافي
نسل ذربين الفعايل ,, من مناعير وقبيله =حرّن اقطامي,, ولكن الزمن ما هوب صافي
بأول سهيله تجلى .. وآخر النثرة .. دليله =مر بسهوب الثريا فوق وا رتوعه شغافي
حدّثوا نجم الدياجر ,, لا تسّهد فيض قيله =من حديث النجم ياما تسهر بضّيه الفيافي
يا ضيا مسرى القروم ويا بوارق هالمخيله =باح مكنون المخايل للشجر,, والليل غافي
ان سكت تحكي المروة حزة احمول الثقيله =ان حكى انساقت قوافي ايه وانساقت قوافي
إسأل الديجور عني ,, قبل ما يعلن رحيله =وش هداني الفجر لجلك لين طل الفجر وافي
من صباح أبيض مقيلك جر ذعذاع الهجيله =من خزامى لا تغنج نبت و استتبع طوافي
إن تسّهدتي يا عيني قلت ابا استذري بمقيله =وإن عذلتي الحال صارت ضيقة الفرقا لحافي

بدر الشمال 22-10-2010 11:00 PM

رد: قصيدة وينك أنت ؟!!
 
الشاعرة هجير

قصيدة كل عام وانت العطر
كل عام وانت العطر يا روحن تصافحني ثوان =منهو يهنيني بعيدك انت والا اطيابك؟؟!!
مدري رياحين العويد الغض وإلا الزعفران =قل للشذى : "عيدك سعيد" وما نسوك احبابك
شف منزلك في خافقي يوم انه طيبك له مكان =خلاني اعرف ليه نود الروض يطرق بابك
من نشر صحرا درهمت ل النفل حتى بعيثران =إسهابة الغدران في عينك لحد إسهابك
لملمت بي اجنانك ونا شتتت من عقبك جنان =هناك تغتابك مضامي الجدب ليه تغتابك ؟
وش قالت اهشوم الفلا عن عشق ذاك العنفوان =وش قال هالجدب ل غيابك وانتحى بغيابك ؟
في ذهن عيدك , ما سكنت إلا بعبيرك من زمان =قل للشذى : "عيدك سعيد" ان مر بي يزهى بك

بدر الشمال 22-10-2010 11:01 PM

رد: قصيدة وينك أنت ؟!!
 
الشاعرة هجير

قصيدة مسا مجهول بك
مسا مجهول بك تصبح على فاله =انا جيت الزمان اللي انتثر فيّه
ثرى يقرا المسار اللي تهيّا له =هذاك اللي قراك وبه سرى ضيّه
سوى دمع العيون و هرج عذاله =رجعت ولا نسى هالليل مرثيّه
مسا مجهول بك يرثي على حاله =انا جيت الزمان و تهت موليّه
أهيم الليل واهجوسه رمت شاله =و طّرّة ثوبه البالي على ايديّه
اشكلني لهب .. واشواقي أسماله =وكلي جروح تتسابق على جيّه
مسا مجهول بك .. مريت في باله =عرفته؟ وما دريت هناك (عينيّه)
عرفته؟ آه والمجهول .. غرباله =يزم سهاد جفنك ..والشمس حيّه

بدر الشمال 22-10-2010 11:03 PM

رد: قصيدة وينك أنت ؟!!
 
الشاعرة هجير
قصيدة الطيف

من لحظة اهيامي وقلبي في الهوى وحداني =ونا أجّر الطيف صوبي لين ألجّ اعماقه
ياما كثير أوقات يمشي بجانبي.... وينساني =وليمن ذكرته ما لقيت الا ظلال افراقه
هذا الذي لا جيت اسولف .... يشتعل وجداني =في صمت يذكرني يلملم دمعتي الرقراقه
أو أسترق هالسمع ..... لما تنكسر .... جنحاني =وش جّر لي هالطيف هذا لين بان إرهاقه
من لحظة اهيامي ..... وهو يوقف على بيباني =والذكرى اللي في رواق البيت هيه ارواقه
هذا الذي يوم ٍ كرهته بداخلي...... يلقاني =شخص ٍجريح ٍ.. والغياهب ترتمي بخفاقه
يلجّ ل اعماقي .... وكني صرت شخص ثاني =أتناثر ب عتمه .. ومسرى هاجسي ما راقه
ألقاه بين الإستياء اللي افتعل هجراني =وبين العيون اللي ألمحت نجماته البّراقه
هذا الذي يسرح بعيد .. وتسأله شطآني =يمشي بعيد هناك ..... وأطلق للهبايب ساقه
هناك ما يلقى سواي .... هناك من يمحاني =في جملة أحلامي يتوه .. إن اقبلت منساقه
كل ما أرتب له جفاي.. أعلنت له عصياني =الليل يسري به : ألا يا عين هلي اشفاقه
جتني طعون الجرح والا الطيف لما جاني =ينسل من بين الضلوع .. وينتخي باشواقه
من علمه يا نور عيني يجفل بنكراني ؟؟ =طيفك إذا (..) و يجّن أدري من "إذا" الحرّاقه
والله إذا .... مر الحلوم اللي تمر اجفاني ,, =رقا السهر من كلكل الديجور حتى اشراقه
ل اجعل من الهجران فيني غايةٍ من شاني =يوم الظما يسكن ثراه .... وما ترد اعتاقه

بدر الشمال 22-10-2010 11:04 PM

رد: قصيدة وينك أنت ؟!!
 
الشاعرة هجير

قصيدة فضول

قلت لي: صبحك اللي يشع في القلب الكليل =ما ترك عتمه الا وناضت ب برق عجول
في حناياك ابااسري ضجّة ٍاقفت هميل =وين اخبي مزوني ..تجّر هلهال الفصول
هيّد الريح فيني .. وانثره عشب ٍ وسيل =وان لثمت الحنايا ,, رحت انا كلي ذبول
بس اثرثر عن اللي.. يكدس الهم الثقيل =حادي الشوق مرك .. لا صهيل ولا ذلول
احطب الضيق حتى اشعل افتيل الرحيل =رحت وزّوادة الما فاضت الهجس الملول
ايه حمدت النوايا... في سرى يحمده ليل =هن مسايير ظلما .. و يسلم الله من عذول
بذمة اللي سريته ... وتحسبه عابر سبيل =ليه حمدت النوايا في وغى حلم امهبول؟
قول وانعم صباحا , خافقي مهتاض حيل =قل : سلاما يا هذا ,, لين يختالك فضول
ضايق البال من لي ؟ لا رفيق ولا دليل !! =جت على الهجس؟ شفني اندلق مدن وفلول

بدر الشمال 22-10-2010 11:08 PM

رد: قصيدة وينك أنت ؟!!
 
قصيدة بقايا أبيات منسية

(1)
من سلهمة هالليل في طرف الهواجس قلت أبيه
بعد احتراقي في الورق بعد المدامع سيدي:
ليه انتثر مثل الرماد اللي تراكم.. ليه.. ليه ؟؟
حيله و قلّت بي يا ليت الحيله تنفع في يدي
ريح ٍتوديني بعيد.. أقصى التعب لين احتويه
وصلت ل سنيني لهاث ٍ ينفض الحظ الردي
كنت أشعل العتمه حديثٍ للمسا ماله شبيه
أنسج من خيوط الفضا حس ٍ من الصوت الندي
كنت أطرق أنفاس السحاب وينسدل طيف الوجيه
أحلام تتلون شذى .... تنهي الحديث وتبتدي
هالطيف لما لاح لك .. منته ترى مجنون فيه
ترمي همومك ما تبين الا همومي يا ابعدي
(2)
تطيح سوارة نهاري على صدر الثرى صدفه
تعالي يالعروق اللي ثوت في ربكة امواجي
تعالي.... واتبعي ذاري الثرى ل هباله الأتفه
ترى ذاك السكون اللي تبع همي من عجاجي
يسافر في حشا الفرقا .... ويترحم على لهفه
هناك اجترت أقواس الجفا هالليل وسراجي
هناك انهالت فصول الزمان اللي لقى حتفه
أنا كلي عبابٍ وامتلى في رمشك الساجي
تهجى العشق باسفاري حنيني هارب ل نصفه
ابالمس هالغياب اللي يجيه الصحو له راجي
(3)
هموم اكثار تحييني ونا ميت من همومي
دريت بيوم ان الهم يحيي فيني الانسان
أدّل دروبي الغلجة .. بقايا أطلالها رسومي
وقفت أقوى ولا أقوى .. أجاهد رغبة النسيان
كثير أوقات أدورّني والقاني مع نجومي
قليل أحيان أسري بي .. بليا هّم فيني يبان
]

بدر الشمال 22-10-2010 11:10 PM

رد: قصيدة وينك أنت ؟!!
 
الشاعرة هجير

قصيدة قبل لا انسى

لما تلوح ,, انده ونا خالي وفاض من الفرح
يتسلل الصبح ل حفيف اوراقه الغضة وتلوح
ياعيونك اللي توقظ أهداب الشجر ..
أماالدياجر عابره في رضاب ديمه للسهر
ياعيونك (الشاهنامه) ,,
حادي النجم يقراها ل غمامه..
إيه يا لغالي تراك اتعبت هالطرف الكليل
وركام بارقه اندثر..
خالي وفاض آه ان يكن!!
جيت ومرار الدرب في جفني ونا كلي قهر ..
لما تبين ,, تهذي بك (إلياذة)إذا شعشع جبين ..
لجلك تلاشى الوقت واحدودب ظهر ..
يسعد مسا عيون ٍابنساها من البارح:
مساء الخير يا كل العمر ذاالوهن جدّامي
مساء الخير دثرّني وفا .. يا وهنها عظامي
سلامة هالعيون اللي غفت عن هاجس ايامي
دوام الحال هذا محال ابااخفي دمعة المظلوم
وش اعلومك قبل لا انسى ولا هالحال ظني يدوم
من البارح ونا اسيّر على هم الحشا الضامي
من البارح ونا اترّحم على وهم ٍمن أوهامي
أمسّي بك .. وخطواتي اتثاقل بي من هيامي
مثل ما تثاقلت فيني سنين وكف باقي اللوم
إذا مريت بأشواقك على أرض الوغى مهزوم
مساء الخير من عقب الضحى ما راقت احلامي
تهل العتمه الغرقى في موج سهادي الطامي
سلامي للضحى ... وإلا سلام الشمس لانسامي
ما دام انك سوالفها قبل ما تنتثر في نجوم
مساء الخير يا عمري ترى حاولت انسى اليوم

بدر الشمال 22-10-2010 11:11 PM

رد: قصيدة وينك أنت ؟!!
 
الشاعرة هجير

قصيدة ارتباك الوله

إسأل عن الحال لا غبت قبل تسأل انا وين =تدري ويني؟ تراني بأمكنه عشت اسرارها
احتوتني من سنين .. تصّدق انها من سنين !!! =تشعل فتيل مصباح الدجى .. مثل نهارها
أمكنه اتجرّها ذيول العنا طاري البين =والندى لهاثها اللي يزاهمك وسط قفارها
كيف خايلت به هناك بين علم ٍ وتخمين ؟ =به يباس الزهر لين ارتمى في انكسارها
به ثرى تلفظك هم..صار زاد المساكين =قول: وش خلّت البيد يوم هل اغبرارها
يشاغب نهارها عجاج المسا قلت: بعدين =انشد الهم لاصرت اتبع الرمضا و نارها
ادري اني تشتّت ... بين هالعشب والطين =وبين نواّرها كل ما اعتقد هو صبّارها
أولج حسوسها بصمت..دامني خاوي كفين =أو تضع عقبك حروب الظما كل أوزارها
أمكنه..لو صفا القلب ..ارقّت عين ٍ وعين =اختلط خاثر الجدب .. لإندفاعة خضارها
آآه كل ما صفا القلب,لا تسل جاني منين =سحب وين الله اغداك.. وفي حشاي انتثارها
إن حمد هالسرى ب يوم سولفت له الرياحين =ودّر النجم دارات القمر في استتارها
سمّي (الديمه) اللي تصب كل الغلا الحين: =(ارتباك الوله)وش شفت من خلف خمارها
غير صوتي ونا هناك لجل هالعين يا زين =أربك الشوق في عذب الليالي ومرارها
كل مافي الامر,, جيت امكنه بلا عناوين =إن غدت فيني احلام الدجى هيه ديارها
كيف هامت بلادين... في ملامح بلادين ؟؟ =كيف لا صارت اضغاث الحلم نسج أوطارها
جيت ومستصغر هجوس المدامع بي اتبين =(رحت و مستصغر النار من بقايا شرارها)

بدر الشمال 22-10-2010 11:13 PM

رد: قصيدة وينك أنت ؟!!
 


الشاعرة هجير

قصيدة من الاعصار ل اللحظه

حدّثًََََََََنا سنا البارق:
كنت بمدينه سهّرتها التباريح..مرّ الدجى
متبعثر وهلّل الشيح..في رواقها كان البياض الغافي..
حسّيت به لامن بديت طوافي..مدينه ما تستوطنك
يا جروحي..قلت ان تلوح وأشرت ذي صروحي..مدّيتها لو هالليالي
هيف..يالبارق اللي انثال مثل الطيف:
مريتها هذي المدينه .. نائية أطراف
بياضها يلمس شغاف الصبح ..أنا خلفه
تدري وش اللي يجعل ضياها يبّل شغاف ؟؟
تدري وش اللي سهّر عيون البشر صدفه؟؟
اللحظه اللي لامست غيمه..جذع صفصاف
اللحظه اللي مرّها اعصاري على غرفه
اللحظه اللي ما تعيش بها قلوب ضعاف
واللحظه اللي ملؤها الايمان والرأفه
اللحظه اللي أمرها لله ..ومنه نخاف
ربك رحيم لا قسا هالوقت في عصفه...
حدّثنا دجى الليل قال:
كنت بمدينه تضّوي الريح..ياهي شمس من اجله تبيح
..شعاع الشمس في لهفه..مابين الريح والوطفه
..ياهتان المطر والروح..يفله الصبح لين يروح.
.وتنسّل الثواني عجاف..من صدر السحاب ان طاف.
.وذا طير الثنا للسفح..يهلي بك يا وجهٍ سمح:
طير الثنا ياللي على خشوم التلال امنيف
يجوب في شعاب الثريا .. والثنا به ضافي
وش شفت في صور العفية ..والثريا شفيف
لاشك في عمان الابية .....هيبتك تنشافي
مد النظر بأرضي العذيه..البحر والريف
حيث المجد قابوس واللي قد حماها سنافي

بدر الشمال 22-10-2010 11:19 PM

رد: قصيدة وينك أنت ؟!!
 

الشاعرة هجير

قصيدة صباح الخير

صباح الخير يا عشب الحيا في الروح بعثرته =ندهتك يا(..)وتتبعثر اسامي الوبل باعماقي
صباح النفل .. يسّج الغيم بك .. لما تخيلته =من أول رجفة أهداب الضيا ان لاح برّاقي
ندهتك يا(..) تتيه الشمس في لفته ومن لفته,, =أطيّر لك حمام .. اشكثر .. توّهته مع اشواقي
أنا وش جابني لأرض الشتات البور الا انته =أنا وش جابني للمزن الا انته .. وخفاقي
ابسرق من جيوب الشمس قولٍ فيك ماقلته =وأحرّض هالنهار انه ايتلعثم لو طرى فراقي
ابأطلق ساقها للريح .. بقايا ب حلم لك شلته =صباح الخير سّلم لي على اللي في الحشا باقي

بدر الشمال 22-10-2010 11:21 PM

رد: قصيدة وينك أنت ؟!!
 
الشاعرة هجير

قصيدة سؤال

قال السديري:
لا خاب ظنك بالرفيق الموالي
مالي مشاريه على نايد الناس
"لا خاب ظنك" .. آه
تتململ اللهفة بقلبي.. ويشتعل لأقصاه
هو فيه أحد غيري؟
لا مسا جيته شظايا الا ويتناثر وجع
رحت وأوجاعي اتناثر في شظايا هالمسا
رحت واحسب ان هذا الليل للهم اتسع
يعني جت ع الهم؟ وش يعني اذا ليلي قسا
قالوا "الرفيق الموالي"
جيت أسأل العزله
وكانت تنسحب من غفله ل غفله:
هو فيه أحد غيري؟
تحتار الليالي مرة لجله؟
قولوا إنها تربيتة الغيم للجدب
والفضا ضلع السنين المتعبة فيني
وقلت أربت عليه
من له?
جيت أسأل العزله
تبعثر خوفها في أول الوهله:
فيه أحد غيري؟
رضيت إني أصير أطياف من شوق وراح
رضيت إني أهيم بداخل اللحظة الوحيده
رضيت إني أثرثر للسهر وان باح,, باح
تركت الثرثرة للدمع.. في عينِِ سهيده
ألملم من فتات الحلم أنفاس الصباح
أسولف لي واتقهوى العنا ويا القصيده
رضيت إني أكون اقرب من هجوس الرياح
عنيده يالظروف الجايرة ..فيني عنيده
من اللي مستريح اليوم؟ قلبي ما استراح
يفز مصافح همه...... وخطواتي جهيده
أسافر للصبر لجلي اذا مالشوق لاح
أنادي بيني وبيني ..صدى روح بعيده

بدر الشمال 22-10-2010 11:23 PM

رد: قصيدة وينك أنت ؟!!
 

الشاعرة هجير

قصيدة يالجرح

شويه وتقترب مني ... أجيلك .. ليه خليتك ؟؟؟ =تنادي الليل من جمر الحنايا وانتثرت هناك
مابين إطراقة جفوني ورمش العين.. خبيتك =أخاف اللي لمح مرة .. تجيبه الذاكرة ويقراك
مساء السكر وقل لي : يروق ان قلت ناديتك؟ =ونا اللي ما قدرت أبقى ياجرحي وارحل بلياك
انا توهمت يوم إني نسيتك .. بس هنا لقيتك =وسط هالقلب لا مني .. أفل العاصفة لأقصاك
ألا يا جرحي الغاير .. تعال توغل في بيتك =هنا تلقى اللهاث اللي يبل .. رضابه التهلاك
هنا تسهيدة الغيمة نضح بي سهادها .. ليتك =رخيت أهدابها .. وجادت سوالف غيم للشباك
أبي تعرف اذا تظمى نوا وير الحشا .. رويتك =أبيها يقظتك فيني... اذا ما ترتوي تظماك
شويه وتقترب مني تجس النبض .. حسيتك =تعيث الصبح في ليلي وهذا الصمت في فوضاك
ألا يالجرح يوم انك شعلت الهم .. واطفيتك =مثل ماجيت ع الطاري تروح ونيتي فرقاك
وش اللي تشعله بقلبي سوى الأشواق ماجيتك =من الأشواق غير إني أعاتب لحظة الإدراك
تعال بشوق واتقهوى كثير الدمع من صيتك =تعلم هالخفوق اشلون يحكي الليل عن مسراك
يا حي مواجع فيني .. يا حي الجرح واغليتك =توّلم للسنين اللي نبت من صمتها... ذكراك

بدر الشمال 22-10-2010 11:25 PM

رد: قصيدة وينك أنت ؟!!
 
الشاعرة هجير

قصيدة قل للنجوم

قل للنجوم إني تركت بخدرها ضوضائي =أحلامي البلهاء.. سوالف دمعة عفويه
والبحة الغرقى تدس أنفاسها بأحشائي =لاذ الدجى فيني نثرني وانتخيت بضيه
قل ما يهوجس للظلام الا نثار أصدائي =واشيا كثيرة من بقايا رحلتي المضنيه
مثل التعب في داخلي مثل المطر وأنوائي =مثل المفاوز في عروق أوراقي المطويه
مثل الخفوق اللي سراني وجيته بسرائي =قل للنجوم اللي تركته لها ما هو بشويه
تسكن حنيني وانته اللي ما بلغت إعيائي =من علم النجمة ضياك في لحظة منسيه
فيها ارتمى صمتي وليلك حشرجة هيجائي =هي نيتك ؟؟ لا الصمت ذا يستبطنك من نيه
من علم النجمة تعيث انفاسي وأشلائي =في ربكة همومي ومن فوضى رواح وجيه
تخنقني العبرة كذا وش جابها لظلمائي =في الليلة الظلما نحرت أشواقي المخفيه
قل للنجوم اني تعبت ابكي المكان النائي =يمكن هجير هناك أو يمكن بعد مش هيه

بدر الشمال 22-10-2010 11:27 PM

رد: قصيدة وينك أنت ؟!!
 
الشاعرة هجير

قصيدة قصة غياب

يسترق السمع ليلٍ ذوَب الدنيا اغتراب =عادةً ارمي بتخميني على مسراي وابعد
عادةً استودع أحلامي بوجه فيها ذاب =ماسريت الا الحنايا بداخلي لما اتهجد
يا لقلبي وش قريت في مقلة الصبح اللي غاب =انكساري كان أقسى كان من ربكة تأكد
قص لي وش دحرج الليل لصباحي من عذاب =توقظ الهيجا بمكر العارف بيأسي وتجحد
في تفاصيل الكلام اجتَر للرمضا .. يباب =لفتة الشمس بعروقي لا تهالك ليل مجهد
أو تقصى هناك لو ما الوقت يمَم للصعاب =بس فكَر كيف خبَا الوقت نظرة طرف مسهد
قلت أناقض ما تيَسر لي من الود المهاب =وين ما حلَت خطاوي أقدام تتَشرد .. تشرد
قلت اصدق ليه خطواتي في جيه أو ذهاب =ما تعيث الا غبار جراحها .. وفيني تبَدد
ليه أحس انه التعب ما يسكن الا في الغياب =أحزم همومي على كتفي وأسافر دون مقصد
لا غيابٍ غيرك انته مرنَي مثل السحاب =يحشد الريح في تباريحي وضجَاته اتَوقد


الساعة الآن 03:04 PM.


Powered by vBulletin
Copyright ©2000 - 2024, Jelsoft Enterprises Ltd

جميع الحقوق محفوظة لشبكة ومنتديـــات الشميـــلات الرسمية
vEhdaa 1.1 by rKo ©2009