رد: دويوان الشاعر بندر البجيدي
الشعر العذب
الشعر جوهر من ذهب=شف صاحبه أكبر دليل يضفي للإبداع العجب=ومافيه عنده مستحيل وان كان يزريه الصعب=يعجز على بدع الجزيل أقول ونفسي ماتحب=أقصد وبالأخر هزيل كل الشغايا له مصب=في وادي لامنه تسيل لاشفت روحي منطرب=عديت في راس الطويل والشعر ليا أقبل يهب=ويحس به جسمي النحيل أستقبله بصدرٍ رحب=وتصير روحي له مقيل وتلقاني واقف بالغصب=كله عشاني مااميل أتعب ولكن التعب=ألقى وراه من الحصيل وأنظم من الشعر العذب=ومن روعته ماله مثيل أكتب لي شيٍ ماانكتب=بالنصح وإلا في خليل مابي المجامل والكذب=لإني باالواقع نبيل ومتجنّبٍ شعر النصب=أصيل ومن ساسٍ أصيل وأما القريحة ماتطب=في شي وترجع بالقليل شفني تجاوزت الصعب=ونجـّمت بالشعر الجزيل |
رد: دويوان الشاعر بندر البجيدي
الصيد
أمس العصر شدّيت في موتر عبيد=وهوّ معي راع الوفاء والكرامه ابي أتقنّص من جديد البواريد=ازنادها فن العقل والفهامه وشديت أزري محتري زبدة الصيد=اللي ذبحنا من قديمٍ هيامه مره محاديرٍ ومره مسانيد=نبحث عليهن باالجبل والعدامه ياما لقينا واحدٍ سيّد السيد=غزال يمشي في هدو واستقامه قام يتزهّب صاحبي ناوي الكيد=وصاد الغزال اللي يغنّج قوامه واصبح يجيه الصيد زود إنه يجيد=في قنص شيٍ زاد عندي مقامه وقلت ابتعد عنّي يانسل الأجاويد=الدور جاني ، قال جتك الزعامه قلت اعطني مهله ولافيها تمديد=أقل شيٍ لو تجي لي حمامه هي بس ساعه وانقلب وضع تنكيد=مره تجي قدمي ومره أمامه اكايز الصياد وارمي ولا اصيد=مدري جهالة عرف وإلا غشامه والله لولا شمت هرج المناقيد=لأدعسْه باالموتر واحضنه سلامه وبالآخر صدت وصيدتي كنها العيد=يوم اقتربت وشفته إلا نعامه |
رد: دويوان الشاعر بندر البجيدي
ريح الورودي
ياملاك الزين ياريح الورودي=بسألك إلى متى وانتا جحودي صاحبك مرات يُفهم له ومرة=كن لاشفته تقول مافيه فودي منسفه خلقه وفي عشقك معنّا=ياما منْ اجلك كسر سلم الجدودي شوفي حاله من كثر ماهي نحيله=كن ينخرها من التحنان دودي وشوفي عينه لادْمعت دمعه حزينه=من حرارتها تبين بالخدودي وشوفي شوقه لاشكى صدمات حبك=كنه يعبر عن افعال اليهودي قلبه اخضر من قبل يعرف هواكم=يومن قلوب العرب عميا وسودي ارحميه وارجعي له ياحنونه=صاحبك مجروح من كثر الصدودي لاتصدي حالته جداً خطيرة=إمسكي راحت يدينه وبركودي تعرفين انك تحكمتي بعقله=وتخْبرينه مانقض يوم العهودي يانبض قلبه ويادمٍ في عرقه=لحظة يشوفك يعزز للصمودي طمّنيه إنك بخير وراح يبرى=بإذن ربٍ دايم الدوم معبودي ياجميلة آهـ من حب العفيفة=كيف يورّد صاحبه وسط اللحودي معذّبٍ في نجد والطرقة بعيدة=وعينه من كثر السهر لا ماتنودي وده إنه ترجع ايام السعادة=يومك انتي عنده بدار السعودي للأسف رحتي وابعدتي المسافة=وهوّ عارف إن رحلتي ماتعودي كيف بيشوفك ويسلى ويتهنّى=وحال من بينك حرس ذيك الحدودي |
الساعة الآن 09:34 AM. |