صوت المواجع

17-01-2010, 01:38 AM

فـالصدر ضيقه وانقباضه وتسويـف !=وفـالعين حزن وسور مجد وصبابـه !!
لو في يدين الصبر قفـل الصواديـف !=ما أضحت ملامحنـا ذهـول ورتابـه !
ملامـح اللحظـة فتـات وتخـاريـف=واحلامـنـا ، وافعالنا//ماتـشـابـه !
نقتات روتين الخرافـات .. ونضيـف ؟=فـراغ .. مايمـلاه صيغـة إجـابـه !
الحزن يشربنا مـن السيـف للسيـف !=ماكـن فيـه اتـرابٍ ..إلا تـرابـه !!
بـحلوقنـا ينبـت غوايـه وتطفيـف !=وبوجهينـا مليـون ضيـق وغرابـه !
وبيدننـا حفنـة منـافـي وتكثـيـف !=لحمـل السنيـن المثقـلـة بالكـآبـه !
نكتب ونمسح كـن مانكتـب يخيـف !=حتـى كبـر فينـا "رقيـب" الكتابـه !
فينا انتماء للفقـر والحـزن والريـف !=وفينـا ، وفيـنـا مانخاف//ونهـابـه !
صوت المواجع حي ، واقرب من الطيف=واقرب كثير مـن الصغيـر لـثيابـه !
قبيح وجه الوقت واقبح مـن الزيـف !!=واقبح منه حلـم الفقيـر.. وزهابـه !!
هـذي ملامحنـا مواجـع وتسـويـف=وضيـقٍ مـلا كـل الاماكـن رتابـه !

((نايف السميري ))

17-01-2010, 02:01 AM

بدر الشمال

مبدع قصيده جزله وصح السان شاعرها ونقله موفقه

17-01-2010, 02:03 AM

الله ..!!

بدر الشمال..

صح لسآن الشاعر / نآيف السميري ..
وسلمت يمنآك على النقل الأكثر من رااائع
إنتقاء يدل على علو ذائقتك الشعريه
يعطيك الف الف عافيه اخوي
لك ودي واحترامي..