أنا بدوي ولد بدوي طيب ولكني عنيد .

جيت المدينه داخلي .. طفلٍ عسى الله يصلحه
طفل بدوي ولد بدوي .. طيب ولكنه عنيد


جيت المدينه وفي يدي .. طيب البداوه ومسبحه
جيت اشوفك يا الحضاره .. جيت ادور للجديد


طفل يعيش بداخلي .. وكل كلمه تجرحه
يهدي سبايك من ذهب .. والناس تهدي له حديد


كل دمعه تجرحه .. وكل بسمه تفرحه
جيت ادور للفرح .. وما شعرت اني سعيد


لو تون وتشتكي .. الدمع محدن يمسحه
الناس واجد بالمدينه .. واقرب العالم بعيد


ما في المدينه اي شي .. قلت يمكن امدحه
واعجزت يا دروب المدينه .. واحتار واياي القصيد


الوضع يا قلبي صعيب .. والحال مقدر اشرحه
اريد وانت ما تريد .. والله يفعل ما يريد


محدٍ ضحكلي في المدينه .. الا ويبغا مصلحه
فقيرها ماله سند .. وصار الردي عم وسيد


رجعتي لك يا المدينه .. موضوع توبه وافتحه
خلاص يا قلبي خلاص .. لا تزيد ولا تعيد


سلام لك يا قريتي .. يا طيف دايم اللمحه
يا قريه يا قصى الجنوب .. احرار ما فيها عبيد



جيت المدينه داخلي .. طفلٍ عسى الله يصلحه
طفل بدوي ولد بدوي .. طيب ولكنه عنيد




للشاعر مساعد الشمراني

 

 

 

 

هلا بك اخووي ابو فهد
يهدي سبايك من ذهب .. والناس تهدي له حديد



واختيار موفق لقصيدة اكثر من رائعة .للشمراني ..
المشكلة اذا كانت هديتك للناس وروود وهم يهدونك الحجارة ....

 

 

 

 

ابو فهد..

شاكره لك كل الشكر لروعة طرحك
قصيييده راااائعه وجمييييييله
صح الساان الشاعر مساعد الشمراني
تسلم انااااااااملك على النقل الرائع
يعطيك العافيه اخوي
لك ودي واحترامي..

 

 

 

 

قصيده
في قمة الروعه والجمال
تسلم لنا الانامل
دمت لمن تحب

 

 

 

 

شكرا على النقله المتميزه اخوي ابو فهد

 

 

 

 

جيت المدينه وفي يدي .. طيب البداوه ومسبحه
جيت اشوفك يا الحضاره .. جيت ادور للجديد


طفل يعيش بداخلي .. وكل كلمه تجرحه
يهدي سبايك من ذهب .. والناس تهدي له حديد

ابو فهد
نقل موفق ودائمآ رائع وانت تقدم الأجمل والأروع
دمت بعافيه

 

 

 

 

تركى فهيد
سحر الغرام
احاسيس مسموعه
موسى بن عيسى
الشميلاني

شكرآ لمروركم العطر ، والمتابعة المميزة