الإهداءات


العودة   (شبكة ومنتديات الشميلات الرسمية) >

®§][©][ المنتدى الثقافي والأدبــــي][©][§®

> واحة القصص و الحكايات

واحة القصص و الحكايات [ قصص واقعية وروايات خياليه ]

إضافة رد
 
أدوات الموضوع انواع عرض الموضوع
قديم 13-04-2009, 12:23 PM   #1
معلومات العضو
alshemailat
 
الصورة الرمزية صالح العريف
 
إحصائية الترشيح

عدد النقاط : 10
صالح العريف is on a distinguished road

افتراضي سالفة وقصيدة معركه مغيلث بين العقيدات والبريك من شمر


السلام عليكم ورحمه الله وبركاته
كان جناع القعيط نازل مكان يقال له مغيلث وكان اقرب شمر على العكيدات وفي عام 1947 م هجموا العقيدات
على البريك ربع جناع وكان عددهم يتجاوز الالفين خيال وكان هجومهم مع طلوع الشمس وكان اكثر الرجال مع البل
لانهم توقعوا الهجوم على البل واخذه فود وبداية الهجوم تنطحهم الشرابي ابن جناع ومعه دهام جنعان القعيط وقال دهام للشرابي ماتنطح قال ابي عليهم وين اودي وجهي من عزاره وهي امرأ ه بريكيه وشاعره وفعلاّ هجم عليهم وقتل
وصوب دهام في رجله واستطاع ان يعود به للبيوت ولكثرت الرمي اصبحت تتوارد فزوع شمر القريبين من جناع واتت
سربه من الهضبه بقيادة بردان ابن جليدان واتت سربه من العامود بقيادة هريسان ابن هذيل واتت سربه من الفداغه يقودها سليمان العبهول والتحقوا الفرسان من البريك اللي عند البل بقيادة مدلول محمد القعيط واشتدت المعركه وكل
شمر المتواجدين لايتجاوزون المائه والخمسين واستطاع قسم من شمر ان يأسر خمس واربعون من القوم وحل بهم جناع باالسيف من زعله على الشرابي وكان فارس مشهود له عند شمر وحين ان هؤلاء الناس ان شمرلن ترحمهم توجهوا الى ديرتهم وكانوا شمر يطاردونهم حتى عبورهم الجسر وجاءت قوه من الحكومه واحصت عدد القتلى من الطرفين وكان عدد قتلى العقيدات مائتين وقتلى من شمر اثنى عشر رجل غير المصابين ومن الذين ضحوا عند المحارم0
1- شرابي جناع نصار القعيط
2-مذري العود
3-هلوش الوليغي
4- الحشاش
5-فاضل ابن ادهم الغشم رحمهم الله ورحم الله اموات المسلمين


وقال لطس السبيعي هذه الابيات

بادي بـاالله ولـي النـاس كلـه=من بدى بـاالله ماظنـي يخيبـي
السيافـا يومكـم هـذا محـلـه=هاوشوا قـدام زينـات الحليبـي
يوم جناع الكبش رد للسيف سلـه=ليما خلى لشاشهم مثل الهميـدي
الشرابـي شالـع الصابـور فلـه=يرحمه مـولاه بيـوم الوعيـدي
ولد الادهـم علـى الخيـل شلـه=خلفت الزحزيح تو صارت وكيدي
ونعم باالحشاش راع الطيب كلـه=يعتفر من فوق ظافيـت السبيبـي
الوليغي ماحكـى بيـدرب المذلـه=شوق من حطت على راسه خظيبي
ولحقت بمدلول قظ الـراس فلـه=ادى الواجب والفشك ناره حصيدي
جتـك بـردان مــع سربتـلـه=بيديهـم شلقـوا راس الحريبـي
والكلوزي شهاب روحـه مايكنـه=يوم عفن الخال كاظب له شعيبـي
سربة العامـود مزنـه مستهلـه=حلو العصـلان بيخيـل العكيـدي
من صلاة الصبح يما الشمس زله=والفشك مابينهم مثـل الرعيـدي
اتمنى شيوخنـا باالحـرب كلـه=وراهم سودان وسلاحـه صليبـي



وهذا ايضا بعض ماقيل من القصائد الكثيره في المعركه
ومنهم الدحيل ابن دبيان من الهضبه والثانيه الصليتي من ا
الاسلم والثالثه لااعرف شاعرها


اخو نبهه شد اللـي مهـي ونيـه=ماداني الهوز تمشـي باللهبايـب
غوش ربعي كما سبـاعً بالزويـه=كاسرين القوم جابوهـا حطايـب
أنتخـى مدلـول وبيـده بيشليـه=ايتم الرضعان وارملـك يالشايـب
ياأبن هفل غزوتـك مهـي هنيـه=ترجف الحويان من رجد المصايب
___________________ __________________
راكـب حمـرى زهـى كـوره=حمـرا ومـن الجيـش منقـيـه
ادرع المحـجـان مـــع زوره=وانحـر شمـر وش طـواريـه
أبـن هفـل جــاك مشـهـوره=طايـفـن يـبـي الحـرابـيـه
مـجـرده الفـيـن مــن زوره=الضـحـى جـاهـم جهـاريـه
جموعـه رخـم تنطـح الدولـه=امتـلـى العـالـي وواطـيــه
وأقفـت القطـعـان مـذعـوره=عنـدهـا الـعـيـان قطـعـيـه
يـوم العوجـا حـن مقـهـوره=حاظريـنـه كـــل اهـالـيـه
أخـو مـره صـاح لصـقـوره=شانـهـم للـطـيـب جـديــه
كـم عديـم يـجـدع الـشـاره=لـيـا تنـاخـوا بالخميـسـيـه
مبطـي غـوش البـدو صبـاره=مـن دور ابـو فرحـان وبنيـه
السيـافـا مــن عـيـامـوره=صـاطـوا القبـلـه لغـربـيـه
فـوق مهـارن مالهـن جــوره=طبـوا سـوق المـوت بعطـيـه
شايـب ليـا ضاعـت ابصـاره=جعلـهـا بـجـنـاع مـاقـيـه
فزعـت العصـلان مـاصـاره=فـرحـت المضـيـوم بالهـيـه
اودعـوهـم لابـتـي بـــوره=يـجـدع الـبـارود راعـيــه
لوزهـى الكرخـان بـصـدوره=فـزعـت الشـويـان ملـويـه
---------------------------------------------------------------
راكب اللي روحـت لهـا رزيـم=والشـديـد زاهـيـاً ركـابـهـا
انص أبـو عبـود دونـه لاتقيـم=وين ربعـه ويـن كثـر حسابهـا
قال أبن حنان حيـث انـه فهيـم=استـخـر ولاتـقـد أسبـابـهـا
جناع لياسمع النذر مبطـي يقيـم=وابـو طفلـه حلـتـه عيابـهـا
من طلوع الشمس للعصر الصغير=والسيـوف مسللـيـن حرابـهـا
كم غلامً من السيافـا لـه زحيـ=ريـدوي بالسربـه وثـم ادوابهـا
من نهج من لابتـي بجنـة نعيـم=خذوا ثار صفـوق وسـد غيابهـا
وأنشد عن مدلـول يعلـه سليـم=يارخيـص الـروح مـا نمابهـا
عند العوجا ينطح الرجـل العديـم=ويزهـم الفـريـس لياأنتخابـهـا
وأخو جحله والنشاما حاضريـن=لابتـي بالكـون تهـدي ارقابهـا
-------------------------------------------------------------------------
وايضا في احد الايام كان عبيد الشريعيب الشاعر المعروف نازل عند عبده محبتن للفارس المعروف عقاب
ابن عجل وتخطى من بيته متوجهاً لمجلس عقاب رأى خيال قادم من الغرب فانتظر وصوله
ثم سأله عبيد =منين انت حياك الله
الخيال= من شمر الغربيه
عبيد = وش علومهم
الخيال=غزوهم العقيدات بالفين خيال وذبح الشرابي بن جناع القعيط وانتصروا
واللي ذبحهم جناع القعيط خمس واربعين عدى الخساير الباقيه وانتصروا عليهم
عبيد =الله يبشرك بالخير
وأكمل عبيد مسيره بعد أن أخذ أدق التفاصيل الى مجلس عقاب وبعد ان جلس رأى
السناعيس مجتمعين عند عقاب ابن عجل اراد ان يخبرهم بقصيده


الفهم عند عبيـد وعبيـد ملفـاه=الفهـم عنـد عبيـد يامدورينـه
وعـن المنقـود عينـه بعلـبـاه=وابـو محمـد كلكـم خابريـنـه
عبيد ليابنى البيت وزيـن مبنـاه=والسبع والسبعين مـن مكذبينـه
كـون مغـرب فاتنـا ماحظرنـاه=بحكي اللـي بعيونهـم شايفينـه
كون كبير يفظـخ القلـب طريـاه=سدوا به اللـي عقبنـا حاظرينـه
ظنى خميـس والسيافـا حظايـاه=ليـا كـووا دوم كيهـم منجظينـه
لولا الشرابـي كونهـم ماكرهنـاه=عـز الله ان حجاجنـا مقعديـنـه
يعيش من فرش جنينـه وغطـاه=اللي خذى ثار الولـد قبـل حينـه
لطيف وطاه الحلس والحلس ياطاه=نهـج كاسبـن صــم عيـنـه
وابن سويحل يالبيض خضبن يمناه=اللي نهار الكـون كثـر عثيـره
__________________________________________________ __________________
وبعد ان سمع عقاب القصيده قرر ان يغزي العقيدات في ديارهم وتو جه الى ديار الخرصه
واجتمع الجمعين متحدين على الزور وحلت المصائب باهله وقال احد السناعيس عندما وصلوا عند
جناع القعيط
يالخريصي يابن ياسي = رحبوا بعقاب وجنوده
والله لو تدري غر الأطعاسي =كان جتك النفذ وجروده
--------------------------------------- = نفسنا ماتقبل الزوده




# ومرة سمعة مضحي الجهبل الله يرحمة من المهيد من الفدعان من عنزه في مجلس أحمد الشعيفان يروى هذه القصة ويقول :
في ثاني سنة من المعركة بين شمر والعقيدات رحنا سفر ومرينا ديار العقيدات واللا يندبون شيخهم الذي قتل بالمعركة ، وعندهم عادة يحتفلون او يندبون عند مرور سنة على موت الشخص .
ويقول مضحي الله يرحمة غازين عمدان وملبسينها اثياب وعباتة وكان اسمه ( عبد ) اذا لم تخوني ذاكرتي
وكان عنده اربع حريم يندبنه .
ويقول لو عرفوا ان حنا بدو لذبحونا .

المهم يسولف عن المعركة ربع جناع القعيط نازلين بالقرب من ديار العقيدات وحصلة بينهم مشاكل وحلف شيخهم عبد إلا يدق القهوة بيت جناع أو يطلق حريمه الاربع ، وجمع اجموع كبيرة وغزاهم مع الفجر وجناع القعيط مع ربعه كانوا عددهم قليل مقابل العقيدات .
فشار عليهم يتركون البيوت بتجاه شمر وطلعوا مع الفجر وتركوا العرب .
وعند شروق الشمس سمع جناع دق النجر فعرف ان عبد يدقه في مجلسه فوقف وحرف الفرس بتجاه العرب فتراجعوا شمر مع جناع وهجموا عليهم .
وكان العرب يحطون على طرف النقوه من الفرسان وهجمع جناع على النقوه وذبح 40 فارس وذبح عبد عن بيت القعيط ونصرهم الله في المعركة
وقال قصيدة طويلة ما اترى من ضمن هذا القصايد او غيرهن
لانى للاسف لا احفظ .


ابو فهد



 

 

 

 


صالح العريف غير متواجد حالياً   رد مع اقتباس
قديم 13-04-2009, 01:31 PM   #2
معلومات العضو
alshemailat
 
إحصائية الترشيح

عدد النقاط : 10
الوافي is on a distinguished road

افتراضي رد: سالفة وقصيدة معركه مغيلث بين العقيدات والبريك من شمر

مشكور أخي أبو فهد على الموضوع

 

 

 

 


 لا الله الا انت سبحانك انى كنت من الظالمين

الوافي غير متواجد حالياً   رد مع اقتباس
قديم 14-04-2009, 04:22 PM   #3
معلومات العضو
alshemailat
 
إحصائية الترشيح

عدد النقاط : 11
وحيد هليل is on a distinguished road

افتراضي رد: سالفة وقصيدة معركه مغيلث بين العقيدات والبريك من شمر

شـكــ وبارك الله فيك ـــرا لك ... لك مني أجمل تحية .

 

 

 

 


وحيد هليل غير متواجد حالياً   رد مع اقتباس
قديم 14-04-2009, 10:06 PM   #4
معلومات العضو
alshemailat
 
الصورة الرمزية نسيم الشمال
 
إحصائية الترشيح

عدد النقاط : 10
نسيم الشمال is on a distinguished road

افتراضي رد: سالفة وقصيدة معركه مغيلث بين العقيدات والبريك من شمر

ابو فهد.....
الله يعطيك الف عافيه على الموضوع


(((نسيم الشمال)))

 

 

 

 


نسيم الشمال غير متواجد حالياً   رد مع اقتباس
قديم 14-04-2009, 10:21 PM   #5
معلومات العضو
alshemailat
 
إحصائية الترشيح

عدد النقاط : 10
تركي فهيد is on a distinguished road

افتراضي رد: سالفة وقصيدة معركه مغيلث بين العقيدات والبريك من شمر


هلا بك أخوي ابو فهد
مشكورين طال عمرك على القصة ,,, والقصيدة

رحم الله موتى المسلمين ,, وغفر لهم ,,, ذنوبهم وتجاوز عنا وعنهم..
لك كل التحية والتقدير ,,

 

 

 

 


تركي فهيد غير متواجد حالياً   رد مع اقتباس
قديم 14-04-2009, 11:53 PM   #6
معلومات العضو
alshemailat
 
الصورة الرمزية صالح العريف
 
إحصائية الترشيح

عدد النقاط : 10
صالح العريف is on a distinguished road

افتراضي رد: سالفة وقصيدة معركه مغيلث بين العقيدات والبريك من شمر

الشكر موصول لكل من مر وطلع على مــــوضوعي
وتقبلوا مودتي وتقديري .

 

 

 

 


صالح العريف غير متواجد حالياً   رد مع اقتباس
قديم 15-04-2009, 01:10 AM   #7
معلومات العضو
 
الصورة الرمزية بدر الشمال
 
إحصائية العضو









:

بدر الشمال غير متواجد حالياً
اخر مواضيعي

معلومات العضو


دولتي
الجنس
هوايتي
إحصائية الترشيح

عدد النقاط : 14
بدر الشمال is on a distinguished road

افتراضي رد: سالفة وقصيدة معركه مغيلث بين العقيدات والبريك من شمر


اخي الفاضل ابو فهد

هنا نجد الطرح الجميل والرائع

قصه وسرد اكثر من رائع ابيات قمة الأبداع

لك تحيتي وتقديري

 

 

 

 


 لا الله الا انت سبحانك انى كنت من الظالمين

اذا اعجبك تفكيري...وتخطيطي وتدبيري....
تمهل...فماشاهدته نسمات!!....ولم تشهد اعاصيري
دع عنك احباطي...وتحقيري!!....فانا معدني الماس!!
ولا تحلم بتكسيري!!.والى العشاق والاصحاب.اقدم كل تقديري..
واصنع من خدود الورد...كتاباتي وتعبيري....
واهديها لكم بوحا...يلخص كل تفكيري
لســت الأفــضل ولــكن لي أســـلوبي •• سأظل
دائما اتقبل رأي الناقد و الحاسد •
• فالأول يصحح مساري والثاني يزيد من اصراري .

بدر الشمال غير متواجد حالياً   رد مع اقتباس
قديم 26-01-2010, 09:47 PM   #8
افتراضي رد: سالفة وقصيدة معركه مغيلث بين العقيدات والبريك من شمر


ابو فهد..

شاكره لك كل الشكر لروعة طرحك
قصه وابيات راائعه وجميله
يعطيك العافيه خيوه
لك ودي واحترامي..

 

 

 

 


 لا الله الا انت سبحانك انى كنت من الظالمين

سحرالغرام غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:08 PM.



Powered by vBulletin
Copyright ©2000 - 2024, Jelsoft Enterprises Ltd
جميع الحقوق محفوظة لشبكة ومنتديـــات الشميـــلات الرسمية
vEhdaa 1.1 by rKo ©2009
استضافة حياة