⚡ياابوفهدلاتخلي زمرة المفسدين⚡

(يابو فهد)لاتخلي زمرة المفسدين
تسرح وتمرح وتلعب وسط هذا البلد

اضرب بيد من حديد وكل قاسي يلين
حتى هل السرق تعرف ويش تسرق بعد

مليك حزم ٍ وعزم ٍ فيه قسوه ولين
قاسي على اعداه واصحابه تعيش برغد

يعاقب الخاينين ويدعم المبدعين
يبتر يدين الفساد ولايفكر بأحد

مليك عادل وخادم قبلة المسلمين
(وأبو فهد)لانوى شي ٍ يقول( اعتمد)

وعضيده اللي على اليمنى شجاع وأمين
(ولي عهده)محمد جعل عمره مدد

ذو نظرة ٍ ثاقبه واهداف لو بعد حين
له رؤية ٍ خالده للشعب عون وسند

وحنا ولانا ترى من ماضيات السنين
دون الوطن مانهاب ولانخون العهد

ياسر عوض العنزي