لا .. لايغرك كثير الصمت .. وسكاتي ,,

يا متعب القلب قلي ويـش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي ,,
وش عاد لأجلك حروفي لـو أدللها ’’

عذبني الشوق واسرفـت بخيالاتـي ,,
روح ٍ تحبك دخيلك ليش .. تهملها ’’

ياليتك شوي تشعـر فـي معاناتـي ,,
دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,
والهم خيّم على حالـي .. وطولهـا ’’

اغديت دربي وتاهت فيـك خطواتـي ,,
كل المواعيد مدري ليـش تجهلهـا ’’

سنين احاول وضاعت كـل حيلاتـي ,,
ماتدري اني ( حيـاة الـذّل ) ماقبلهـا ’’

لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي ,,
كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي ,,
فرحة زماني بشوفـك مـا تخيلهـا ’’

خلاص صبري تعـدى كـل هقواتـي ,,
اتعبت نفسي ( اعزيهـا .. وعللها ) ’’

ابيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا ’’


مما راق لي

 

 

 

 

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

متواضع
الأبداع والروعة وجمال الحضور
دائمآ نجدها بما تقدمه
شاكر لك هذا التواجد المميز
لك تحيتي وتقديري

 

 

 

 

الأخ بدر الشمال
الشكر والتقدير لك
للمرور والرد الطيب
وتقبل تحيتي وتقديري

 

 

 

 

متواضع..

شاكره لك كل الشكر لروعة طرحك وجماااله
ابيات رااائعه وجميله جداً
تسلم اناااملك على النقل الراائع والمتميز دائماً
يعطيك ربي الف عافيه اخوي
لك ودي واحترامي..

 

 

 

 

الأخت سحر الغرام
شاكرلك كثير الشكر
جمال وروعة الرد
وتقبلي تحيتي وتقديري