ماودي الناس تدري وش يبكيني

من عز نومي صحيت وشفت في عيني
دمع تهادى على جفني وأنا غافي
سترت دمعي بكمي قبل يغريني
وأخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا أوصافي هي أوصافي
أمشي وأقول لطريقي لاتوديني
لعيون ناس تبي تدري عن الخافي
أمانتك .. خلها مابينك وبيني
خابرك يالدرب خوة عمر وسنادي
ماودي الناس تدري وش يبكيني
كرامة النفس ورث أبوي وأسلافي
أمشي وأحس الخناجر في شرايني
والبرد يمشي وراي وينهش أطرافي
وحيد واليل بردونه يغطيني
تقول كن البلد روح بها السافي
إلين ماأوحيت لي صوت يناديني
صوت أعرفه مثل ما أجهل وش خلافي
قمت أتلفت وأنادي ... لاتخليني
ماغيره الصوت .. هذا صوته الدافي
ولمحت زوله من أقصى الدرب لافيني
مدري وش أقول لكن حي ها الافي
تعال .. شف غيبتك كيف أثرت فيني
تعال .. شفني وأنا أغرق عقب مجدافي
تعال.. خذني ورح بي من عناويني
تعبت أعدي على جمرك وأنا حافي
تعال وإقطف بصوتك زهرة سنيني
كل المواعيد عقبك شمعها طافي
تعال وإزرع خصل شعرك بكفيني
بضمها لين أحس بليلك الظافي
تعال وش فيك خايف ؟ أنت ناسيني ؟
قطعت صوتي عليك وطال ميقافي
حتى بديت أشعر إن الحب معميني
وإن أنت حلم عثى فيني وأنا غافي
لكن أمانه ترى الي فيني كافيني
إن رحت منك كذا مارحت متعافي
بصّدق الحلم وأحذر لا تصحيني
في خاطري كلمتين وإن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعه تذكر رعشة يديني
ومع كل ضحكه تذكر قلبي الوافي


للشاعر فهد المساعد ملك الكلمه
صح لسانه.....
دمتم بود

 

 

 

 

متواضع..

مهما كتبت لن أوفـــي ..،
ومهما كتبت لن أكــفـي ..،
فحروفـي ليست إلا نقطة مـن بحر معانيك ..،
الله يعطيك ألف عافيه علـى طرحك الراقـي ..،
لك منـي كـل التقدير والإحترام ..،

 

 

 

 

سلمت يمينك اخي متواضع

قصيده جميله بمعانيها الراقيه

لك تحيتي وتقديري

 

 

 

 

متواضع""

مشكووووور على الموضوع
يسلمووو الاياااااادي
تقبل مروووري

 

 

 

 

الأخوة
سحر الغرام ...بدر الشمال ...ضحكتكـ تكفيني
الشكر والتقدير لكم
لمروركم وتسجيل ردودكم
وتقبلوا تحياتي واحترامي