مرشحنا في الخفجي-خالد شحاذه العنزي

اصوغ من جزل البيوت الجزيـلات=
لجـل تقنـد كلهـا مـن قنـادي
فالمفردات اللـي تـلا لا لهيجـات=
من حسنها تاتـي لقصدالمـرادي
مامثلهـا ياكودخيـل الجمـيـلات=
نقـوا المهـار الا خيـار الجيـادي
الهاذبات المسرعـات السبوقـات=
اللاحقـات المدنيـات البـعـادي
الناحـرات الناطحـات المغيـرات=
بوجه المعادي جالبـات النكـادي
دللتهن مثـل البكـار الاصيـلات=
واغليتهن يوم اكسبـن الطـرادي
يسابقـن الريـح لاجـن عجـلات=
يشاركـن الحفـل يـوم المعـادي
من شان ابن وايل كبيرالمقامـات=
اللي على العليـا وثبلـه وتـادي
يستاهـل التصويـت بالانتخابـات=
لنه رجل صاحب عـزوم ومبـادي
ولنـه يمثـل عزوتـه بالمهمـات=
الواجب ان كلـن باسمـه ينـادي
مستقبله واعد ورسمه حضـارات=
والله خلق شـرواه رجـلٍ قيـادي
وله موقف بن مهيد في كل الاوقات=
وبيته على الماجوب والعز سـادي
يامنكس ارقاب الجمل والعبـارات=
لك ماقف مفرح وفعـل المهـادي
وان عجزوا العليا وجوا بالطمانات=
شـرواك حـرٍ مايمـل الهـدادي
الله دخيلـك يـوم يرقاالسمـاوات=
والياانحدر سيلن ضربلـه بـوادي
عزالله انه رجل فكـر ودرايـات=
ومصدرثقه لاجاء الصحيح الوكـادي
مهومن اللي يطمن العلـم ويبـات=
تنشد ولاتسمـع ياغيـر الرقـادي
هذاك صوتك ضايعٍ فيه ..هيهيـات=
تنـده عليـه ويجحـدك لاتنـادي
من ضعف نفسه حيلته باول فتات=
واصبح عقاره ضاربن واقتصـادي
باع الضمير وصارعنـده وكـالات=
ثـم اندثـر يالله عسـاه البعـادي
اقبل يمـرر شـي دون الممـرات=
واقفى على له بورش شيخ المزادي
والا انت رجلٍ فيك عزه وشومـات=
صافي سريره يانظيـف الفـؤادي
محد جهل مجناك ياطيـب الـذات=
صيتك يفوح المسك ويشب كـادي
تفوز بأذن الله في اعلى الاصـوات=
لانك مـن الويـلان ذخرالبـلادي

 

 

 

 

صح لسانك عيسى موسى

ونتمنى الفوز لمرشح الخفجي

لك تحيتي وتقديري

 

 

 

 

صح الله لسانك اخوي
موسى

والله يوفق الاخ ( خالد )

 

 

 

 

صح لسانك اخوي عيسى
ع الابيات الجزله
وان اشاء الله يفوز مرشح الخفجي

 

 

 

 

صح لسآنك اخوي موسى العنزي ..~ والف مبروك لمرشحنا
خآلد شحاذه ..~ تقبلوووا ودي .