ضحكة شفاك

السلام عليكم ورحمة الله وبركاته

قصيدهـ أعجبتني ..
أترككم معهآ..

ضحكة شفاك

الله يصبح ظحكة شفاك بالسيل
سيل السحاب اللي تشاعل بروقه

ياللي صباحك ريحه الورد والهيل
وريح السمر والعود يحيي عروقه

يابو ثمانٍ تشبه البرق لا خيل
والا مثل ثلج السحاب وحقوقه

ياللي شفاهك تحمل اللين والويل
وترخي كرزها لو تزمّه عذوقه

طعم العسل ريح النفل والشعر ليل
ورمشٍ تسلط في ظلوعٍ خفوقه

تحلى لي عيونك مثل طلعة سهيل
يحيي ليالي وحدتي في شروقه

لا يا بعد من جـا يشيل الغلى شيل
لين استباحت لهفته في عموقه

لو ما غليتك ما تحملت بالحيل
خيل العيون اللي تهافت سبوقه

لا واللذي في حضرتك آمر السيل
اني على شوفك عيوني شفوقه