أعذب قصيدة

السلام عليكم و رحمة الله و بركاته
سأل أحد الأشخاص شاعرا فقال له : لقد بحثت في أكثر من 600 قصيدة لك فلم أجد قصيدة تعجبني .
فتعجب الشاعر وقال له : لماذا ؟؟
فقال : لأنني لم أجد قصيدة في الغزل
فقال الشاعر قصيدة في الغزل من أجمل القصائد التي سمعتها
أترككم مع القصيدة





نشدني صديق قـال حبـك و رى مـا بـان
ورى في الغزل مـا لـك بيـوت مسويهـا
ولا لك غـزل يالقـرم بسـم الله الرحمـن
ورى كـن مـا تذكـر هنـوف مهاويـهـا
و أنا أقول قلب ما يحـب الهـوى غلطـان
و أبشـرك و الله مـن هنـوف مصافيهـا
و بأعلمـك و أنـت تعـوذ مـن الشيطـان
دام النشـامـى تستمعـنـي بأذانـيـهـا
أنا حـب لـي حـب تولـع بهـا العربـان
عيـال النشامـى اللـي طـوال يمانيـهـا
أحب الرجولـة و الرجولـة لهـا سيسـان
ترى ساسهـا لا طـاب يرسـي و يرسيهـا
و أحب الكرم و أهل الكرم و الكريم معـان
كريـم و نفسـة للمواجـيـب مصخيـهـا
و أحب أشتـري عـود أزرق مـن الدكـان
و أطيـب رجـال سيـرت لـي و أقهويهـا
و أحب الدلال الصفر من صنعـة الرسـلان
إليا دارت المجلـس و مـا جوبهـا فيهـا
و أحب الحرار اللي لهـا فالعشـى برهـان
تقضض علـى جـول الحبـاري و تدميهـا
و أحب الحصان اللي سبق و الحصان حصان
و أحـب الذلـول اللـي تقـدم براعيـهـا
حسينت حلايا ما لهـا فـي الحـلا لأثمـان
خطات الأصيل إليـا فرحـت وجـه قانيهـا
و أحب الجيوش إليا رزمت داخـل الميـدان
إليـا قادهـا القايـد و هـرول يباريـهـا
و أحب الصحاري خص لا شبعت الحيـران
لا بكـر الوسمـي و زانــت مراعيـهـا
و أحب الحلال إليا أنتشـر داخـل الصمـان
قطاعـيـن ذود و الـمـواتـر بتالـيـهـا
و أحب البيوت اللـي تظلـل بهـا البـدوان
عيـال الجـزيـرة ساكنـيـن براضيـهـا
و أحـب الخيـال المـد لهـم لنهمـر ودان
و أحب الفيـاض اللـي تناسـف علاويهـا
و أحب أمزع رجلي و أشرف على الجيـران
و أمد النظر فاللي عسـى المـزن يسقيهـا
و أحب الجيوب اللي تمرهـد مـع الخليـان
تعانـق طيـور الجـو تمشـي مماشيـهـا
و أحب الرفيق اللـي وقـت الشدايـد بـان
رفيـق الرفيـق و رفقتـه مـا يخليـهـا
و أحب الخوي اللي تجـي كلمتـه ميـزان
وزن كلمتـه لأجـل الرجاجـيـل تغليـهـا
و أحب القصيد اللي يحكـم علـى القيفـان
و أحب الصفوف اليا أستوت قـدم واليهـا
و أحب السوالف وآتسمـع مـن الشيبـان
أليـا وردوهـا بيضـت وجــه راويـهـا