أفراااح بدر الشمااال ؟

ربي يسعدكم جميعا

بما انني الباااارح حضرت زفاف أبن حبيبنا وصديقنا ( بدر الشمال )

محمد عبيد العنزي وذلك بقاعة درة المملكة شرق مدينة الرياض

والحقيقة حضر جمع غفير وبعد وجبة العشاء واذا بالصفوف تنظم

استعدادا للعرضه النجديه ولعبة الدحة المشهورة

ولفت نظري ان جميع المقاااعد اللي بالصااله بالجهة الشمالية تتم

ازالتها واخلاااء مكانها ؟؟؟ قلت لايكون الكل يبي يلطش له كم كنب

وكم كرسي ؟؟ ليه ما اقوم مع هالبشريه واشوف وش نصيبي ؟؟؟

ولما تم اخلاااء نصف القاعة الشماليه بمساحة واسعة واذا بهم يركبون

سماعات واجهزة خاصة بالفرق الغنائية واذا هم يعلنون لنا عن اسم

فرقة هواة الشاام / والعازف / سـيـمو / والفنان / مهند سعد

وبدى اول المشوااار بالمواااويل ومن ثم الغناااااء والدبكة والربكة وصاااااار

تقريبا بحدود المائة والخمسين رجل يدبكون مع بعض وهالساحة محتويتهم

بالراحة واثناء الغناء الربكة والدبكه أثري ابو فاارس دخل للقاعة وانا لم انتبه

له واذا بأبنه فاارس يسلم علي ويقول ترى الوالد وصل وهو بالصااااله ويبي

يشوفني وقلت له رح قل لأبوووك تراني ما اعرفه وخله يقطع علاقاته معي

ومابين الشوطين وكاستراحة للفرقه الغنائية اذا بأبو فاارس يكلمني تليفون

ويقول وين انا فيه ؟؟ قلت له انا بالزبداني والليله ماني يمك شوف لك احد غيري

فجأة اذا بأثنين عتاوله يمسكونني ويرفعوني من كرسي الكنب عااد انا دريت

اني تورطت ووقعت بشر اعمااااااالي وصرت اضحك وابرر موقفي وأسمع كل

الجالسين بجوااااري واقوول لهم اكيد هذي الكاميرا الخفيه ؟؟ واذا ببدر الشماال

يضحك بجد ويقول يابعدي ونس رووحك ياشيبة قريح ؟؟؟ شفتوا كيف ابو فاارس

وحتى وانا في سااااحة الفن والطرب مايخليني اطرب واعبر عن شعوووري ؟؟

الحقيقه حفلة فرح ممتعه وجميله والكل استانس وانبسط ولو انني تذكرت

اياام زمان وايام مناقزي بالدبكة أياام الصبا ؟؟؟

وهنا حبيت اباااارك لأخوي بدر الشماال بمناسبة زواج ابنه وبنفس الوقت يتم

التنويه وتذكيركم ببعض مجريااات الحفل ربما يكون به تكمله وربما لايكون به

شيئ حيث ان التناجر والمناوشه مع ابو فاارس وبدر الشماااال لها طعم غير

للجميع تحياااتي

ســــــــــــــــــــــــــــــلام