الإهداءات


العودة   (شبكة ومنتديات الشميلات الرسمية) >

®§][©][ المنتدى الثقافي والأدبــــي][©][§®

> واحة همس القوافى

 
 
أدوات الموضوع انواع عرض الموضوع
Prev المشاركة السابقة   المشاركة التالية Next
قديم 15-10-2010, 10:05 PM   #1
افتراضي الحــــزن / كنه جــد والعـرق دسـاس !



السـلآم عليكم ورحمة الله وبركآته


يسعد مسائكم / صباحكم
وكل آوقآتكم


.
.



هذا السهر ماورّد لـ عيني نعاس
........................ احس هذا الليل طاغي / بـ طوله


/


تعبت امشّي مابقالي من الياس
........................ اجر خطواتي / ابيها عجوله



\


الحزن خلاني مع ضلوع يبّاس
........................ الــهم باقي / والصــواديف حـوله


/


الصمت قالوا انه اغلى من الماس
........................ واشوفهم عند الحكي / صفقوله


\


ياليل تبقى للمواقيت عساس
........................ لو ماعطاني هالسهر من حلوله


/


خلت المدينة واتلفت / للاجناس
........................ واقيس هم الشارع اللي مشوله


\


رحت اتنشد عن دفا الوقت /جلاس
........................ لقيت سيف الوقت يقرع / طبوله


/


صمت المدينة /والمباني / والاجراس
........................ واطفال ماعاشوا حياة الطفوله


\


ينام هذا الليل بعيون / حراس
........................ ويصحى بعين المقبلات / الخجوله


/


اصبحت كني شيخ ولّي على ناس
........................ وامسيت كني فاقد(ن) لّي حموله !


\


تخنقني العبرة / وانا اقول لاباس
........................ وارجع بتنهيييده عميقه زعـــوله


/


الحزن / كنه جد والعرق دساس
........................ والناس / كل الناس هذه عجوله


\


والوقت / يرسم هالزوايا بقرطاس
........................ وانا معي قرطاس وازريت اقوله


/


والشعر / هذا ماعرفته من الناس
........................ جاني مع اول هم ( نوّخ ) ذلوله !


\


كتبت فيه اللي عطاني من احساس
........................ ياما تنــادمنــا / واخذنا البطـــوله


/


والحر / سموه الاجاويد قرناس
........................ والبــوم / يبقى بوم لــو طبلولــه


\


والصبر / قرّب ياصل حدود الافلاس
........................ والشوق/ ياصعبه يجيني ... بسهوله


/


والموت / يسرق مابقالي من انفاس
........................ ويروح معــه اللي نــــواه وينولــه
/
\


ازمة مشاعر زايفة مالها ساس
........................ وازمـــة وفــا / والله وازمة رجوله


/


مابالحزن _ رحمه _ ولافيه نوماس
........................ يقولها اللي عايش (ن) في فصوله


\


ياصاحبي / ياصاحبي / صاحب الناس
........................ يمكن تشوف اللي من اول اقوله




للـرائـع / طالب الحربي



اتمنى تعجبكم
لكم ودي وأحترآمـي

 

 

 

 


 لا الله الا انت سبحانك انى كنت من الظالمين

سحرالغرام غير متواجد حالياً   رد مع اقتباس
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:46 PM.



Powered by vBulletin
Copyright ©2000 - 2024, Jelsoft Enterprises Ltd
جميع الحقوق محفوظة لشبكة ومنتديـــات الشميـــلات الرسمية
vEhdaa 1.1 by rKo ©2009
استضافة حياة