الي ابوعادل

يابوعادل انت رجل فيك خير وفيك شيمه=وفيك عزم وفيك حزم وفيك لزم وفيك همه
والكرم انت ابن عمه وابن خالته ورحيمه=وانت خاله وانت خيه وانت ابوجده وعمه
والمراجل كانها زخ الهمايل انت غيمه=والمعالي مهما طالت ماستطالت فيك قمه
ياصديق اهل الجمايل ياعدو اهل الظليمه=من ظلم تاطى عليه ومن شكى همه تظمه
يابن رمثان المعالي والرجاجيل القديمه=ياكبير اهل المساعي واكبر كبار الائمه
مهو كل عضو يفوز يكون فوزه ذات قيمه=الا لابعد عن غريمه من هنا لحدود حمه
الف مبروك عسى درب السعد الله يديمه =والله يعينك تراك مأمن وقد المهمه