{ حيـــ/ــن // شــ/عور ..}

كل ما أشوف البومهـ !!!!
أتشائم ....
وهي كل يوم تنعق ..
على بابــي ...
ما يفيد .. بها لا حكــي ...
ولا شتــائم ...
هذهـ .. هي المشكلة ..
وهذهـ هي اسبابي ..

،،،،،،،،،،،،،،،،،،

 

 

 

 

رقـــــــــيت انا راس مرقــــاب
وشـــــــــفت انا وسم أثرهم
هلــــــت عيوني تقل مزراب
بعد ما غــــاب قمرهــــــــــم
ياما ضحكنا من غير اسبــــــاب
ما درينا بقدري وقدرهـــــــم



صالح العريف

 

 

 

 

،،،،،،،،،،،،،،،،،،،،،،
سمعت صدى صوتك انا ولبيت
لكن ضعت بين خدك وعينك
لو قلت القصيد بك وسجيت
يتلـــعثم لسانى من كثر زينك

 

 

 

 

عيني عن لذة النوم عيت // قصيد لها قصــــه وما نامت
تراقب الباب وخطاك وجيت // كنها طبر وامه فوقه حامت


صالح العريف

 

 

 

 

،،،،،،،،،،،،،،،،،،،،،،،،،
شفت مثلي يقول عن عذابهـ فلهـ
ولا شاف معذبه يقول يااهلابك
أغرز خنجرك بصدري وتركه وخلهـ
لين يرتوي من دمي يااذهابك
وسيفك سلهـ من غمدهـ وبـ الجمر ملهـ
وعذبني ياااخلي يااامحلى عذابك

صالح العريف

 

 

 

 

أشوف تركتني أتطوطح داخل البير
لاني للقاع ولاني ماسك معاضيده
ياما أجذبني فوق من غير معاذير
ولا اقطع الحبل وكلآ يرضى بصيده

 

 

 

 

أحس بين أهلي بوطن ..
وأحس أني غريب بالوطن .
نفس المكان ..
و نفس الزمان ..
بس الاحساس يتغير .

 

 

 

 

يامحلا سجةٍ قي ذاك العــــــرقوب
وقت الربيع والنفس من الهم بريانه
مع فنجال اصفر من البن مسكوب
وقت العصر والغربي يغني الحانه

 

 

 

 

يالله عفوك من زمانِ لحقناه
أصعب من العلقم شِرِبنا مراره
العِز والنوماس راح وفقدناه
والْجار أصبح ما يامن لجاره
بيت الشَّعَر مرجى المسافر هدمناه
الْلي مشرَّع بالكرم والطهاره

 

 

 

 

صبري عليك
تقطعت حبالهـ
أستعنت بصبر غيري
لقيتهـ .. ما يفيد
هذا قلبي و هذا طيبهـ
وهذا هبالهـ ..
رجع .. يغزل حبالهـ
ويبدأ من جديد!!