{مجنون زعلـآتكـ ,, حمد السع ــيد }

الـشـاعر :حمد عبدالكريم السعيد


"تزعل واراضيك واتلذذ بتزعيلك

تبي الصراحه انا مجنون زعلاتك

لا قمت تبعد وانا اقرب وادنيلك

وامسك طرف غترتي وامش دمعاتك

وتبدي تعاتب وانا كلي انتباهيلك

ماسمعك شتقول انا عيني على شفاتك

وتعيد حكيك وتفرك حيل منديلك

وتخالطت صادق حروفك بوناتك

واحاول ارضيك مدري منين انا ابديلك

واحتار واذكرك بعض زلاتك

واسمعك ماكتبته بك واغنيلك

طاروقك الي تحبه واكسر سكاتك

واستسمحك واعذرك واسمعك واشكيلك

واتلهف لبسمتك وارد ضحكاتك

يسرقني الوقت ولا يمديني احكيلك

كلامي الي تحفظته لشوفاتك

وقت الوعد فات وعيوني تراعيلك

واقفيت واشغلت قلبي بلتفاتاتك

عيني علي خطوتك والقلب يدعيلك

الله يحفظك من الحاسد وشماتك

تزعل واراضيك واتلذذ بتزعيلك

تبي الصراحه انا اعشق كل حالاتك"


تحياتي