ترى الزعل موجود مابيـن الأحبـاب

السلام عليكم ورحمة الله وبركاته
قصيـده أعجبتني..


ترى الزعل موجود مابيـن الأحبـاب
وترى العتب بين المواليـف عـادي
في نظرتك رغم الزعل حب وأعتـاب
وانا بعد رغم الزعـل معـك هـادي
أهم شي في قلوبنا شـوق وأعجـاب
مااقوى بعادك وانـت تكـره بعـادي
نموت لو نصبح على بعـد وغيـاب
وكلن عن الثاني فـي دنيـاه غـادي
اقسى شعور احباب لاعاشو أغـراب
واقسى بعد لا كـان خلفـه عنـادي
اللى يبي الفرقا يـدور لهـا اسبـاب
سهل السبب لاصار نـاوي البعـادي
والبعد ما يغلـب اذا الحـب غـلاب
والوصل مايهـزم اذا الشـوق زادي
وانت الغرام اللى سكن قلب وأهـداب
من يـوم ماشفتـك تحقـق مـرادي
ما أقول أقرب من مواليـن واقـراب
انت النفس وانـت الحيـاه لفـوادي
قلبك نظيف ومن كثر طيبتـه شـاب
من طيبتـه يقـدر يغطـي العبـادي
ودام القلوب انظاف في صدور الأحباب
{يبقى العتـب مابينهـم شـي عـادي}


وسـلامتكم