محاوره شعريه نادرة

29-08-2008, 05:14 AM

محاوره شعريه نادرة
بين الشاعرين
احمد الناصر الشايع و صياف الحربي

احــــمــــد الـــنـــاصـــر

ياسـلام الله ســلامٍ مـوجـهٍ معـنـاه يـمـك
ان سكنت ارض الجزيره وان سكنت ارض الكنانه
قوم ياالحربي تهرج بيـن اخـوك وولـد عمـك
يوم انادي صاحبي صيـاف مـن بـاب الميانـه

صــــيــــاف الــحـــربـــي

مرحبا ياعد ياهداج ليـن يفيـض جمـك
والبنادم يعرف اللفات ويعـرف الذهانـه
انت لاحصلت حربي تزهمه من خف دمك
ما ادري منك يا هجوسٍ صافيٍ والا لعانه

احــــمــــد الـــنـــاصـــر

ويش رايك يالسحيمي نمدحـك ولانذمـك
ويش رايك وش تورى وانت سدك بالامانه
يالسحيمي ودنا نكسيـك ونكبـر معمـك
والغدا لك خيزرانه والعشا لـك خيزرانـه

صــــيــــاف الــحـــربـــي

كان ودك تنشد العربان قـول ولايهمـك
من يدور للعواين غصب يلقى له عيانـه
وكان تبغاها مخامش خمني والصبح اخمك
فالقلص ثنتين تفاحه والاخـرى برتكانـه

احــــمــــد الـــنـــاصـــر

ام هارون الرشيد الاوله صارت هي امـك
لو يزعلها ولدهـا دخلـت دار الحضانـه
خير اهل رابغ يخص وشر اهل رابغ يعمك
ماتفكك خيل عوف ولاولـد خالـك عفانـه

صــــيــــاف الــحـــربـــي

انت صاحبها القديم تزمهـا ولا تزمـك
مايغش المسلميـن الا قليليـن الديانـه
انت ذيب اشهب صغير والذيابه ماتشمك
اثر قلبك مثل ضلع طويق ماعندك ليانه

احــــمــــد الـــنـــاصـــر

تحذف الشايب وهو في طرقته ماهو بيمك
اترك الشايب وخله يالسحيمي في مكانـه
ان سمعت الشور والا قلت لك شلها بكمك
كل ما تكبر تزيد بك العـداوه واللعانـه

صــــيــــاف الــحـــربـــي

تمها بيني وبينـك بالشـرف والله يتمـك
حمد الناصر من ارجال الشرف لولا لسانه
الطيب يعرف سم الداب واثره مثل سمك
لوعمر يسلم منه ينوش واحد من خوانـه

وتقبلوا تحياتي