الخوه اللي ماتعزك

الخوه اللي ماتعزك وانا اخوك
ماهي بخوه لو يقولون خوه
لاحتجتهم وقت المواقيف خلوك
والا الرخا كلن يباهي بجوه
ويوم الوفا عند الهرابيد متروك
تلقاه عند اللي بقلبه احموه
رجلن شجيع ولا يجي حوله أشكوك
ياقف معك لاولع الوقت ضوه
اليا القيته في هذا الوقت مبروك
واليا فقدته بالزمان المشوه
لاتلتفت والدرب من قبل مسلوك
ارقى وجعل الغيث يسقيك نوه
لاتشيل هم اللي على الضيق حدوك
مدام عمرك ياأبيض الوجه توه
أتعب مع الاصحاب بالطيب لاجوك
خل الردى مافاد حضرة سموه
وان كان تبغى العلم وافي ومحبوك
عند الرجال اهل الوفا والمروه
وربعك ليامن طحت بالدرب شالوك
والطيب معهم معتلي في علوه
ولو الوفا للناس يوخذله صكوك
كان العمر بان الرفيق وعدوه

منقوووووووول