أشره وشاره أيه والله شرهان=والوم ربعٍ بالوازم يـــسدون
أشره على من دور الطيب شفقان=ولي الشرف بحضورهم يوم يلفون
بحضورهم نوماس وبهم الفرح زان=زادوا فرحنا أفراح وجوني يهنون
من شافني في عين شفته بالعيان =ومن صد عني أصد وابليس ملعون
سلام ياتركي والشعر وجدان=من دولة البحرين شارك تلفون
تدري يا ابو محمد أدمعة العيان=في لحظةٍ بعض عربنا يصدون
مشكور يابناخي يانسل رمثان=لا وصلت اللزمات بالفعل توفون
مرحوم ابو تركي ماراح هفيان=خلف نشاما بالمواقف يقيفون
ولاهي مهونه بالرفاقه وحقران=لكن بجيلك أنت صعبه يسوون
وصلاة ربي عد حرفٍ باللحان=على نبي الخلق لسمه يصلون