على خير أشوفك كان حنـا مـن الحييـن=مصير الليالي تجمـع الحـي مـع حيـه
سرى النوم مع مسراك وأحفت دموع العين=كفـوفٍ تكفـه كفـة الشمـس للفـيـه
بمان الكريم ارحل وانا في انتظارك ليـن=تـدور الليـالـي دورةٍ ترجـعـك لـيـه
لك الله ما عن ناظري غبت لـو يوميـن=كوانـي فراقـك كـيـةٍ فوقـهـا كـيـه
ولا والله أرخصتك ولا شفت غيرك زيـن=أنا ادري بحبك لي وانـا صـادق النيـه
أبا صلك لو تبعد وانـا حافـي الرجليـن=صريع الغواني لـو جحـد فيـه ماريـه
تموت القلوب الخالية بين زيـن وشيـن=وتعيش القلوب اللي علـى الـود مبنيـه
ترى البعد بعد القلب ما هوب بعـد البيـن=الى صار من ودعـك يـا عـدك بالجيـه