بنيت لك بيتٍ اساسه من الطين
قواعده صلبه وقاعه متينه

بيتٍ رحب ما يجتمع فيه شخصين
انتي لحالك يا هيا تسكنينه

بسم الله اقرأ عن جداره من العين
لبنه طمأنينه ولبنه سكينه

صرحٍ ممرد من زهور ورياحين
عسا السعاده ما تفارق سنينه

انا طلبتك لا وصلتيه تكفين
استاذني نفسك قبل تدخلينه

مفتاحه احساسك كثر ما تحسّين
يفتح لك ابواب العهود الثمينه

فكي شراع العاطفه لا تخافين
كل المشاعر في ايادي امينه

لك الامان انّي على ما تمنّين
ملح البحر ماطب جوف السفينه

نطلق مشاعرنا ونبقى مجانين
حرام تبقى في جسدها سجينه

هذا الجنون اذا غشوه المحبين
يطغى على كل العقول الرزينه


نومان سحل