مرحبا باللي يشرفنا حضور=اسعد المولى مساء كلمن حضر
ومن تعذر واعتذر صار معذور=ومن تراخى بلاسبب ماله عذر
ياعساكم من سرور في سرور=في سرور في سرور بلا كدر
بالفرح يالله عسى الكل مغمور=والسعاده رفقته طول العمر
شي طبيعي مايجي منكم قصور= والسحابه ساحبه وانتم مطر
وعشب المدخل ليستقبل عبور=ومد بالهاجس تقل زلٍ خضر
واالجزايل جيش والميقاف سور=حائطه متكهرب وقاعه حفر
وجيت من فوقه ولو جتني كسور=مانجبر كسري ولافاد الجبر
وصورة اللي بين ذاتي والشعور=اتلامس همسي واشعرها شعر
ارتعش والدمع بالعين محجور=بارد عروقي وخفاقي جمر
عندها لاشفتني كني مخمور=اتمايل بين خده والقبر
شوفت الطاووس مافيها غرور=عند شوفة صاحبي ماهي كبر
انا خلي لاوقف وقفه يجور=ضالمِ في قبلها والا دبر
وكن زمزم من ثناياها يفور=مع طويل العرق ويلف الخصر
والجواري بايسره وايمنه حور=حوطنه والعذاراء ماتمر
ماتضاها ببدرها بدر البدور=بدرها زبدة قمر خمسة عشر
في عيونه اشقر مرقاه طور=وفي لهب جمرة شفاياها تمر
والخدود ورود والقبله تنور=وجنتيه بلا خجل خلقن حمر
والجمال اللي وربي مااجور= لو اقول انه عدل نص البشر