هذه المحاوره جرت بين الشاعرين
ياسر الشراري + فيصل ناصر العنزي
ياسر الشراري
صباح الخير يافيصل صباح معطر(ن) بالعود
زهمتك ليلة البارح وجيت الحيـن زاهمنـي
الا ياذيب اعذرني ترى راع الهوى مقـرود
تعال اطرح علي رايك لو انك فيـه لايمنـي
فيصل ناصر العنزي
صباح النور ياياسر صباح(ن) عن صباحك زود
قوافينا لها موعـد تجـي لاصـرت فاهمنـي
ابد ما تلحقك لومـه ولا بـه يلحقـك منقـود
ابد ياصاحبي وضعك سليـم وفيـه ساهمنـي
--------------------
ياسر الشراري
بشحم لجلك سلاحي ولقّـم وسطـه البـارود
وابفهق وارمي النيشان وانته فيـه قاومنـي
هموم(ن) صارت بقلبي حكمها جني(ن) نمرود
ابي تدعمني براايك مدامك صـرت فاهمنـي
--------------------
فيصل ناصر العنزي
هلابك وارحب بصدر(ن) شمالـي حلـل المعقـود
هلابك وارحب عيوني تشيلـك بـس علمنـي ؟؟؟
همومك تشبه همومي...؟ بها أشجان الليالي السود؟
وقلبك هو مثـل قلبـي يعانـي حـب ظالمنـي؟؟؟
--------------------
ياسر الشراري
سلمت وسلمت عيونك عسا عين العدو للدود
انا لو قلت مافيني اخاف انـك تخاصمنـي
انا خالفت في حبه وعـود مبدلـه بوعـود
تمادى القلب باسراافه بيومن فيه عااازمني
--------------------
فيصل ناصر العنزي
اذا موضوعك مخالف (قسيمه)من وراها فود
عليك رسوم تدفعها قصيد تقـول تاهمنـي
توظحله وش الطاري وعذرك تكتبه مورود
واذا ما قدر ظروفك أنا لـه كـان قاومنـي
--------------------
ياسر الشراري
دعيته بالقصيد ايروووف في قلب(ن) غدى مكدود
بنوب اقـول روّضتـه ونـوب اقـول هازمنـي
يجور الوقت ياافيصل عقب ماهي فضـا وركـود
بوقت(ن) صرت احلم به وبـأول كـان حالمنـي
--------------------
فيصل ناصر العنزي
أجل نزهم له بجاهه شيـوخ وسايقيـن الـذود
مجاهيم(ن) وصفـر وضـح ونياقـي تقّدمنـي
ولكن وش هي الحيله ؟ أن اصبح للهوى جاحود
وش الدبره؟ اذا عيا!! ياويلي كـان صخمنـي
--------------------
ياسر الشراري
سلمت ودمت يافيصل ان شهد قدّها وقـدود
حلالك مرخصه لجلي واشوفك صرت داعمني
ولونزهم لها بجاهه وش الحيله وانا مجحود
اذا عيّـت تحشّمنـي ابوهـا لايحشّمـنـي
-------------------
فيصل ناصر العنزي
أجل ياصاحبي يكفي غرام(ن) يجعلك ملهود
أنا وشلي بتعذيبه وش اللي فيـه لازمنـي
نصيحه كان تقبلها من اخو(ن) مايبي مردود
ترى نسيانها واجب وحق ان كنت فاهمنـي
م.ن