الاخ العزيز وابن العم الوفي (رحيل جديع ابو نايف )
لايساورني اي شك بنبل ورقي اخلاقك وحرصك الغير مستغرب على ان نكون عائله واحده
يجمعنا بيتآ واحد ويكون هدفنا البناء لا الهدم ان تجمعنا الحميه لا تفرقنا اهداف خبيثين الاعمال
اصحاب الدسائس الهدامه ..... وانا على ثقه بأنهم مكشوفون للجميع وان اهدافهم اصبحت تنعكس
عليهم وعموم الشميلات رجال طيبين وشجعان وقلوبهم طيبه لا تحمل الا الخير واهل فزعه ونخوه وحميه
وهذا شيء معروف للقاصي قبل الداني واهل مواقف ترفع الرأس وانت واحدآ منهم تحمل فكر نير وهدف نبيل وهمك الوحيد ان نكون يدآ واحده نرتقي الى المجد والعز والرفعه
وهنا لا بد لنا ان نقف عند قصيدة ابن العم (وحيد نزال السوعان)
ياعبيــد ليّــــة لابةٍ مــاتركـــوني
لـــــوّي بقــالاتٍ عليَّ ابتـــــليهم
اطيــــح لكــن دايـــمٍ ينقـــــذوني
واقــوم وآقف وآتــوكـــا عليهـــم
م احتــــاج عكازٍ وهم يسنــدوني
دنيـاي لا ضــــاقت عليّة اجيهــم
بامــوالهم لا جيتهم يشــركــونـي
عون الضعيف اللي عنا منتصيهم
ياما ادفعوا عني وياما عطوني
وصل الرحم والجود موجود فيهم
ماني بحال الدهر لو صار دوني
مادام ياصلني الندى من يديهـــم
نســل الرجال اللي أبد ما تهـوني
مـوروثهم للطــــايلات يحـــديهم
عــــدوهم ما تهتنيله جفــــــــوني
لــوهـــو بعيـــدٍ هاجسه ما نسيهم
إن جـــردوا للضـد معهم أكوني
وان اجنحوا للصلح فانا حــديهم
وكذلك قصيده رائعه لك بأبناء قبيلتنا قبيلة الشميلات وانت تفتخر بهم وتناشدهم الى توحيد الكلمه والرأي والالفه وهذا شيء نفخر به جميعنا وين الرفاقه وين ربعي شميلات =أهل الوفا والطيب واهل الحميه
نخيتكم من قلب مابه حزازات =قلب يود الخير لكل السميه
نخيت انا الطيب وللطيب وقفات = لاصار طيب وقفته جوهريه
الطيب لأهل الطيب مابه مراوات = قروم النشاما الوافيه الشوشليه
إلي بهم عن ميلت الوقت لوذات = عز الرفيق وفزعته حاتميه
رجلٍ بلا ربعه اموره دنيات = كنه جفير ٍ خالين من مليه
المال لا يفرق عز ومعزات = عز الرجال المخلصه والوفيه
كم واحدٍ ظلت فلوسه وهو مات = ماقيل فيه ونعم خلص قضيه
لو نحسب ماراح اموال لفات = تغني فقير الحال بضرف ضحويه
الله عطانا مال لكسب الجمالات = وأنتو اهلها بكل روحه وجيه
وين الرفيق وين راعي المهمات = بجمع الشمل يا شميل في كل هيه
ونتبع اثر أجدودنا بماضياً فات =ألي لهم وقفات بالجاهليه
يا صارت الهيه وقالوا شميلات = وصاح الصِياح قشور وقبة غبيه
خيالهم يرخص حياته ولو مات = ولا فيه فرق بين هذي وذيه
شوري على ربعي ماهو مثارات = الشيخ طاع سعين بالوايليه
وصار النصر فاله بعصر القوامات = وخلا ردي الشور بالمهمهيه
وصلاة ربي عد حرفًِ بالأبيات = على محمد ســـيد كل البريه
وهنا اقف عند قصيدة(الشيخ محمد بن هادي بن قرمله)
الحف يبغضني على لطم خده=ولوني عليه هويّن صرت غالي
عندك يصرف بي من الحكي قدّه=وافعولنا فيهم جداد سمالي
صلال دور له ورى المستجده=والشيخ الآخر في مرب التوالي
هذا بن عمه قد كلا الرمل خده=خلوه ربعه في مدس العيالي
لي لابة لاقلت للخيل رده=ترايعوا للهوش مثل الجمالي
افعولنا بالضد كل يعده=يعده الأول لنسل التوالي
ربعي لي أطوع من محب لوده=وارفالهم كني ولي العيالي
اتبع مصالحهم بلينن وشده=وأكسر بهم عظم الحريب الموالي
أن جت من العاقل عرفنا مرده=ولانلتفت لهروج بعض الرجالي
اخي العزيز ابو نايف
مهما قلت فيك ومهما كتبت لا اوفيك حقك وتكون شهادتي بك مجروحه لأنني اعتبرك
اكثر من اخ واكثر من ابن عم والنعم فيك اخي ابو نايف من لايعرفك يتمنى ان يعرفك اكثر
ونحن هنا بهذا الصرح الشامخ بوجدك وبوجود الرائعين امثالك سنكمل المشوار رغم وجود
بعض العوائق ووجود من يحاولون النيل من هدفنا وهو قبيلتنا قبيلة الشميلات واي هدف
يحتاج الى الصبر والمثابره ونحن سائرون الى هدفنا بكل ما نملك وبكل ما نستطيع وبالاخير
لايصح الا الصحيح لأن المنتدى هوا الكنز الحقيقي الذي يحفظ لنا تراثنا ومجدنا وفخرنا
بالسلف الاول من رجال الشميلات الذين قدموا ما نعجز عن تقديمه نحن الآن
ابو نايف امل قبول ردي المتواضع الذي اجده لا يضاهي موضوعك النبيل والخير
اخوك الفخور بك // محمد عبيد بقرص الرمثان