خيانة
خيانه و انتهت اخر سوالف عشقى المجنون
سوالف عشق ياما الناس قالتها و عادتها
حكوا عني و حكوا عنها و عن حب ملى هالكون
و صاروا يحلفون بحبنا و صدقي و طيبتها
و كم واحد تمنى لو خذى من لون حبي لون
و كم وحده تمنت لو تشابهنا حكايتها
انا وياها كنا حلم بالمعنى و المظمون
لكل اثنين تعلن قصة حبهم بدايتها
***
و في ليلة بكى الوفا من ظهره المطعون
بدايتها جروحي و الوفا مات بنهايتها
في ذيك الليلة كان اهون علي احيا بدون عيون
و لا اشوف اللي شفته من حبيبة قلبي ساعتها
بعيني شفتها وياه تضحك له و اهو مفتون
سعادتها بقربه تشبه بقربي سعادتها
و اهو طاير من الفرحة و لا يدري انها تخون
و يمكن يدري و ساكت و لا تهمه حقيقتها
***
بعيني شفتها ماهو حكي واشي و خيال ظنون
بعيني ليتها عيني عمرها ما يوم حبتها
و قفت لسان حالي يقول ليه و من متى و شلون ؟!
عسى القى سبب يبرر لي خيانتها
و ادور للجريمة ثغرة في كل مذهب و قانون
لكني عجزت القى عذر يغفر جريمتها
***
خيانتها عطت حجة لكل اللي يبي يخونون
و من هالليلة كل خاين يتعذر بقصتها
مدام اوفى البشر خانت حرام الباقي ينلامون
و كل مات الوفى لا عاد احد يطري لي سيرتها
خيانة و انتهت اخر قصايد عشقي المجنون
في ليلة حلمي الوردي تحطم في نهايتها
------------------------------------------------