(((((عسل سكرزياده)))))
مع الصخري وباأسهر للطواريق
إذا قلبـي فقـد غايـة مـراده
سنه مرت علينا كلّهـا ضيـق
انـا فيهـا تناسيـت السعـاده
وقلبي لو لوى وسط المعاليـق
رجايا برحمـة المولـى لعبـاده
هوايا بس في سيـدالمخاليـق
واذا غايـب أنـا بنطـر وداده
انا مالي هوى بغيره ولاطيـق
وقلبي سايـر بموكـب حـداده
انا مالي دوى الا بعسـل ذيـق
هوى بالي حلو سكّـر زيـاده
ويرجع يوم يذكر حلوة الريـق
واذا ماجـا ابعطيـك الافــاده
حقيقه قلبي عايش عيشة الضيق
وابد لا لا تخيـّل اصطـيـاده
مع الصخري وبسهر للطواريق
وسلّي خاطرى بشعـر وعبـاده
(((((آخر ليلة)))))
تعذّب روحك وروحي وتعاتبني علـى ماكـان
وتبكي لي وتبكينـي وتوجـع قلبـك وقلبـي
وانا والله ما أقصد شي ولكن قلبـك الولهـان
يصورلك كما يبـدو مشاعـر حسّهـا سلبـي
ومن كثر العذاب تون وتكسر خاطري بعصيان
ومن كثر العذاب تصيح تشكيني علـى ربـي
تحبني موت وادري بك وشوقك كنه الطوفـان
كما الطوفان ورياحه تلاعب بك وتلعب بي
لأنك عاشق الدمعـه تحـب تعانـق الاحـزان
تفضّلها على روحك على روحي علـى قربـي
نسيت ان البنـي آدم معـرض دوم للنسيـان
نسيت ان الخطا وارد وذنبك أقوى من ذنبـي
حسبت اني بشوفك في صباح الغـد بطمئنـان
لقيتك حازم شناطك على غيم العتـب غربـي
مسافر يابعد عمر الغريبه وقلبهـا العطشـان
واخاف الليله هي آخر ليالـي الألـف ياحبـي
ولكـن هالأمـل باقـي يعشمنـي اليـن الآن
ويمكن اقنعك تعقـل وتقضـي ليلتك جنبـي
(((((رقص الزار)))))
حبيبي مااذكر انه كـان سالـي
وروحي دايـم لروحـه قريبـه
يدق الطار في نصّ الليالـي
ورقص الزار يغريني غصيبـه
ينادي لي بعد عمـري تعالـي
وانا ودّي اجي والكـذب خيبـه
اجي يمّه و يآخذنـي شمالـي
حنون ويعـرف لقلبـي يجيبـه
ويتمايل علـي هونـه قبالـي
رشيق العود والـرزّه رهيبـه
يرقّص جـنّ مكّـه والعوالـي
وكل جنّّى يـدوّر لـه صحيبـه
يامشعل قوم واسمع ما جرالـي
حكايه حبّ في عمري عجيبـه
تركني بدنيتي أرقـص لحالـي
هوى رقص الغجر ويا الغريبـه
ياليته ماعشقنـي وراح تالـي
ياليتـه ماتركنـي اهتنـي بـه
وهي قصه وجاتك من خيالـي
كتبها الدمع في الحزّه الكئيبـه
رسمها احساس فاقـد للغوالـي
واجرّ الصوت ياكبر المصيبـه
تركني لغربتي واويـل حالـي
خذاه الموت وضاقت بي الرحيبه
((((((ماسألتك))))))
ماسألتك ويـن أو راجـع منيـن
وماانتظر منـك سـؤال ولاجـواب
افتكـر انـي سألـت بكلمتـيـن
عن معاني بدرس غامض بالحساب
قاعد تجاوب غلط واعرفـك زيـن
ارتباكك يفضح اللي عنـي غـاب
هل انا جيتك سألتك كنـت ويـن؟
هل تصور ان انا الحـق سـراب ؟
ماتجي هذي السوالف من رزيـن
وانت عارف اني ماداني العتـاب
لو اشوف انك تغازل شوف عيـن
انسحب بهـدوء لحـدود الغيـاب
لاتصـوّر ان قليبـي لـك رهيـن
هل تلاقي فص ملح فبحـر ذاب؟!
وانت عارف قلبي بحسّـه فطيـن
قال لي : ياعاشقة شيخ الشبـاب
قاعد يغـازل ظبـا وادي حنيـن
شدّي رحالك أزف وقت الحسـاب
لاكــلام ولامــلام ولاانـيـن
لادمـوع ولاعتـاب ولاعــذاب
والصراحه ماأبـي تقعـد حزيـن
قوم وافتح للظبـا مليـون بـاب
صاحبك روح علي متـن اليقيـن
طاير بروحه علي هـام السحـاب
كنت احس انك هواوي من سنيـن
مايفاجئني أبـد طيـش الشبـاب |