 |
|
 |
|
الشاعرة هجير
قصيدة قبل لا انسى
لما تلوح ,, انده ونا خالي وفاض من الفرح
يتسلل الصبح ل حفيف اوراقه الغضة وتلوح
ياعيونك اللي توقظ أهداب الشجر ..
أماالدياجر عابره في رضاب ديمه للسهر
ياعيونك (الشاهنامه) ,,
حادي النجم يقراها ل غمامه..
إيه يا لغالي تراك اتعبت هالطرف الكليل
وركام بارقه اندثر..
خالي وفاض آه ان يكن!!
جيت ومرار الدرب في جفني ونا كلي قهر ..
لما تبين ,, تهذي بك (إلياذة)إذا شعشع جبين ..
لجلك تلاشى الوقت واحدودب ظهر ..
يسعد مسا عيون ٍابنساها من البارح:
مساء الخير يا كل العمر ذاالوهن جدّامي
مساء الخير دثرّني وفا .. يا وهنها عظامي
سلامة هالعيون اللي غفت عن هاجس ايامي
دوام الحال هذا محال ابااخفي دمعة المظلوم
وش اعلومك قبل لا انسى ولا هالحال ظني يدوم
من البارح ونا اسيّر على هم الحشا الضامي
من البارح ونا اترّحم على وهم ٍمن أوهامي
أمسّي بك .. وخطواتي اتثاقل بي من هيامي
مثل ما تثاقلت فيني سنين وكف باقي اللوم
إذا مريت بأشواقك على أرض الوغى مهزوم
مساء الخير من عقب الضحى ما راقت احلامي
تهل العتمه الغرقى في موج سهادي الطامي
سلامي للضحى ... وإلا سلام الشمس لانسامي
ما دام انك سوالفها قبل ما تنتثر في نجوم
مساء الخير يا عمري ترى حاولت انسى اليوم |
|
 |
|
 |