دام المسودن مبتلا بالصّاحي=قومِ إرقصي بالله يا النّواحه
يا صاحبي مالك ومال جراحي=كل واحدٍ منّا يشيل جراحه
يا دشرتي أزريت كبح جماحي=نفسيتي عيّت تطيق الراحه
حاولت لين أيست من إصلاحي=القفل مبطي ضايعٍ مفتاحه
والله لقزّر هالمسا صبّاحي=لين السفر نوره يغز إرماحه
بدوٍ خلا له خاطري ينساحي=لا حمار ينهق به ولا نبّاحه
ماغير أنا والهاجس ومسباحي=والهم تلعبّي هبوب رياحه
كم واحدٍ يلعب طرب يالاحي=وكم واحدٍ غيره زمانه لاحه
ماكل ميتٍ بالهوى مرتاحي=كم ميّتٍ يبكي على ذبّاحه
مار البلا منهو بغيته راحي=روّح وعيّت لا تروح أشباحه
أبطي وهمه بالحشى منزاحي=مادام باقي بالظمير مراحه
فدوة هلك شاعرك يا ذبّاحي=وبالذات فدوه لأمّك السفاحه