السلام عليكم
3 اطباق شهية يارب تعجبكم
مجبوس الدجاج
نحمس البصل في فنجان زيت
نضيف عليه اثوم والفلفل الاخضر الحار ونحركه
نضيف عليه الدجاج المقطع ونخليه يتحمر من الجهتين
اضيف البهارات واعواد الدارسين و حبات من الهيل والكزبرة والكمون والفلفل الاسود وليمون اسود
احركهم وبعدها اضيف معجون الطماط المذوب واحركه
بعدما يتسبك اضيف عليه الماي واخليه يطبخ حتى يستوى الدجاج
اطلع الدجاج من الجد حتى احمره بالفرن
احط الرز واحركه شوي واخليه يستوي
عند التقديم ازينه بالبصل والزبيب والبقدونس المفروم
الف صحة وعافية على قلوبكم
مشخول الدجاج
نحمس البصل في الزيت نضيف عليه الثوم وبعدها االدجاج المقطع ونخليه يتحمر شوي
وبعدها البطاطا ونحركها ونخليها شوي تتحمر
نضيف الطماط المفروم والبهارات ونحركها
بعدين نضيف الماي قد اللي يغطي الدجاج بس ونخليه يطبخ حتى ينضج
في جدر ثاني نسلق الرز نص استوا
وبعدما نشخله نضيفه على خلطة الدجاج ونسكر عليه الجدر ونخليه على نار هادية حتى يكمل استوا على راحته
والف صحة على قلوبكم 
مجبوس التونة بالقدر الكهربائي
بحط لكم اليوم طريقة التونة لانها الاسهل وما تاخذ وقت وايد
المكونات:
بصل
بطاطا
فلفل اخضر حار
4 علب تونة
زيت
رز
ليمون
ملح بهار
حطيت البصل والبطاطا وحركتهم في الزيت وضفت عليهم البهارات 
وبعدها ضفنا التونة والفلفل وحركت حتى يطلع تمام 
وبعدها العيش المنقوع وصبينا فوقه ماي مناسب للمجبوسغطيت القدر حتى يطبخ على راحته
والنتيجة لذية مع الليمون والفلفل