المنتدى بأشراف والا بلا أشراف=ثابت رغم انف الحسوداللدودي
متخلدٍ مامال جنبه للطراف=متسندٍ ذروة سنام القعودي
بجهود بن رمثان من فوق الارفاف=حرٍ على العليا يرود ويجودي
بالمثل معدوم المزايا والاوصاف=الوصف وصف اللي عديم الوجودي
قليل زي وماقصدته للاتحاف=متحفني رسم شاد فيه الشهودي
يكفيه لمة عزوته في كنف ناف=خلا البعيد وقال هذي حدودي
يفداه منهو حط بالبيت صراف=خطو البخيل اللي يكنز النقودي
اللي تهتفه الاذان اتهتاف=ياما نصحوبه مير مافيه فودي
بالمختصر هن كلمتين لو خفاف=ياثقلهن عند ابتذال الجهودي
كل راعي اول واجب اسمه بالاغلاف=مكتوب مايمسح اثره الحقودي
حقوق طبع المنتدى مثل الاعراف=وثقى العهود وبالمراجع بنودي
قلته وانا ماني بساعي للشراف=طيب الكلام يجيب حلو الردودي