البارحه بالليل جاني بليهان =صاحب قديم وعرفتيله من سنين
تقدرتقول بجيته كنت غفيان=نايم ولاني نايمن بينها وبين
فزعت صاحي مدري فزيت حلمان=من شفت زوله مقبلٍ قلت من وين
من وين بان النور ويقول وشبان=نورك مكفي مايبي نور تبيين
قلت ارحب ارحب عد همال الامزان=يامرحبا و1000 ٍ هلابك وسهلين
اقلط فديتك قال مشكور عجلان =ومعاي ربعي يحتروني وعجلين
جيتك لجل انشدك عن واحدٍ كان =يسوى بعيني يابو خالد ملايين
قلت اذكر الله كان ماكان -- ماكان=قال الا والله مابقى زين بالشين
يقولي سليمان تذكر سليمان=سليمان ماغيره ولد خالت حسين
من عقب ماهو لو وزنته بميزان=عند النشاما كان يسواله الفين
ومن عقب ماهو معتلي قدرالامكان=الله يخسه انطمن جعله البين
وابنشدك منهووووووووو الاشيمط الزان=قلت السفيه اليا اعتلى سن ستين
قال الحياء وشلون شعبه من ايمان=قال الحياء يعني تصنف من الدين
قلت الله الله قال وشفيه الانسان=مايتعظ والموت في غاب قوسين
قطع الحياء منزوع منه وفلتان=وعمره تعدا فوق خمسه وخمسين
ويطرب على المزمار ويدندن الدان =ويهز خصره هز ويقول ياعين
ياحيف من خطو الرجاجيل يافلان=ليته توفى وانتهى باردالعين
قلت اطلب الله يصلح الحال من شان=يشفى ترا الرجال مبلي ومسكين
قالي تراك حلمان حلمان حلمان=واقفى وانا اناديه ويقول بعدين
به ورع تلقى جلسته عند شيبان=راعي علوم وشبته بالدواوين
وبه شايبن عفطي سُفيه وعميان=متمردن ويبعصونه وراعين