صدفـه بـلا ميعـاد لا تسئـل أش صــار
صـدفـه رمتـنـي بالرهـيـف الشطـيـري
أعجز عن المضمون في جوي أعصار
والـجــو مـعـتــم والـهـبـايـب تــديــري
صـدفـه تصادفـنـا عـلـى بــاب عـطــار
يــا ابــو حـمـد يـلـقـرم شـيــاً مـثـيـري
والله يـــــا رواف كـــــن زارنـــــي زار
رجلي تبـي الممشـى وأزريـت أسيـري
تــل الخـفـوق وثــار بـركــان الأفـكــار
وفاضـت حمـم بركانهـا مـن ضمـيـري
أصبـر وصابـر ليـن بيـحـت الأ ســرار
وثعبـان صبـري صـار سمـه خطـيـري
صـنـدوق صــدري كـنـه وجــار للـنـار
جـمــره تـلـظـا كـــن يــصــلاه كــيــري
صابـر ولا أدري ويــن ودتــه الأقــدار
أسـامــر أحـزانــي ونـومــي حـسـيـري
أظــن تـالـي الصـبـر يوديـنـي أشـهــار
مـحــدد الرجـلـيـن فــــوق الـسـريــري
مـانـي بعـالـم غـيـب أو عـالـم أســـرار
الـغــيــب يـعــلــم بـــــه ربٍ قـــديـــري
لـكـن مــواري حالـتـي تـخـبـر أخـبــار
مشيت عكس السيـر مخالـف مسيـري
رحيل بن جديع تصوراتك رائعه وتركيزك تركيز شاعر خبره
نص رائع وشاعر اروئع اتمنى ان لاتحرمنا من كل جديد