الاياعيوني السهـرى . . الاياقلبـي المرتـاب =الايانبضي الحاير . . مابيـن اليـاس وامالـي
تحدر دمعي الجارح . . غرق جفني مع الاهداب = الايادمعى اللي مثل . . وبـل المـزن همالـي
الاياشين جرح القلب . . ومنهو للجروح اسباب = الاياشين جرح القلب . . ليا من جاك من غالي
على اللي وسط قلبي حط له بيت بعمد واطناب = خيالـه مايفارقنـي . . وزولـه دايـم قبالـي
سكن قلبي واحساسي وصك القلب دونه بـاب = شربت الحب من كاسه وسقيته طبخـة دلالـي
حشيم القدر في ربعه حسيـن الطبـع والاداب = وله في داخلي وقفه ومجـلاس(ن) ومقيالـي
الاليته ولد عمـي . . الاليتـه مـن الاقـراب = الاليتـه يقابلنـي . . الاليتـه ولـد خـالـي
الاياحظي العاثر . ( انادوني تطيـر ارقـاب ) = انادوني ولد عمي . . ومن صغري يطرى لـي
اسامر ليلي الساهر . . تحطم حلمـي الكـذاب = احس بنبضي صاير غير . . وربي يعلم بحالي
تكلم دهري بجوره . . وحكم بـمفارق الاحباب = وكل(ن) راح في دربه . . وانا في دبرة الوالي