سحبت الدفاتر والقلم واصعب الألحان=وقمت احتضر فكري واجمّع مطر وبله
رشفت الخيال وتهت في عالم القيفان=أشطّب وأأّكس لا انبنت فكرةٍ سهله
بربّك تعالي وانظري وجهي الحيران=خيوط القهر نبتت على دمعةٍ وجله
وحالي بعد فقدك سكن قلبها الأشجان=وفُلّ الحشا خرّف غدت وردته ذَبْله
وكان الفراق بدفتر العمر لي عنوان=نسج خيطها قزّ القدر في زمن أبله
ابصبر مدامي أُخجل الصبر والكتمان=ولي عِبْرةٍ في سالفة عنتر وعبله
وإذا وحشة غيابك وراها غلا إنسان=أصيد بيميني وارفض حثالة الفضله
أصيب الهدف وارمي رغم حدة النيشان=وانوش السما واطبع على غيمته قُبله
وليّه تحفّظ ضدّ من يسرق الجيعان=لَو إنّي أجامل كبدي اتْصير مندبله
وأنا مثل منتي تذكريني رفيع الشان=احَفْظ الغلا وآموت من مبدأ النّطله
ْوربّي قِسَم رزقه على الصقر والسمّان=وْرزق الغواني من ورا دقّة الطّبله
حذاري يجرّك وحل زينك على ميدان=يغرّك ذهب سوره ويشنْقْكْ في حبله
صحيت فْـــطبل قلبي بصدري كما الطنّان=وتمتمت في نفسي هك القلب ياهبله
لعنت الغلا والحبّ واطلالة الشيطان=وبِست الغدر من جبهته وانحرق كِبله